Календарь событий

Кёп болмай Чегем районну ара больницасында  конференция болгъанды. Анда былтыр  тамамланнган ишлени эсеплегендиле. Анга КъМР-ни саулукъ сакълау министрини орунбасары Татьяна Аникушина эм Чегем районну администрациясыны башчысыны орунбасары Жанна Арипшева  къатышхандыла.   

Гитче эм орта бизнесни айнытыу жаны бла къырал корпорация  финансла, гарантияла эм лизинг бла болушууну амалларыны юсюнден КъМКъУ-да семинар бардырылгъанды. Анга толтуруучу эм жер-жерли власть  органланы, гитче эм орта бизнес бла ишлеген организацияланы, «Корпорация «МСП» биригиуню келечилери, предпринимательле, алимле, студентле эмда башхала къатышхандыла.

Белгилисича, миллетибизни тарыхында кёп чайкъалыула болгъандыла. Ала уа адетлерибизни, тёрелерибизни унутула барырларына себеплик этмей къоймагъандыла. Аны алайлыгъы къууанчларыбызда, жарсыулада шарт кёрюнеди. Биз таматала бла ушакълада аланы шёндюгю жашаугъа кёз къарамларын билирге кюрешебиз. Жаннетли болсун, «Заман» газетни коллективин терк – терк жокълаучу сыйлы таматабыз Толгъурланы Бекмырза  бушууу болгъан юйюр къаллай жумушлагъа айырып эс бурургъа кереклисини эм дууагъа, къайгъы сёз берирге келген адамла кеслерин къалай жюрютюрге кереклисини юслеринден айтханлай тургъан эди.

Кёп болмай Чегем районда  сюд приставла «Газпром межрегионгаз Нальчик» биригиуню келечилери бла бирге кёк отлукъ ючюн тёлемей, борчла этип тургъанланы юйлеринде болгъандыла.

Агропромышленность комплексге кредитлени беш процентден уллу болмагъан ставка бла бериу себеплик этиу къырал программаны чеклеринде Россельхозбанкны Къабарты-Малкъарда бёлюмю 2017 жылдан башлап аграрийлеге 400 миллион сом ётдюргенди. Ол санда 71 миллион сом инвестицияла халда берилгендиле, деп билдиргендиле финанс учрежденияны пресс-службасындан.

Россельхознадзорну Къабарты-Малкъарда эмда Шимал Осетия-Аланияда Управлениясыны жерчиликге надзор этиу бёлюмю быйыл январьда бизни республикада онбеш контроль иш бардыргъанды. Ала бары да планда белгиленип эдиле, деп билдиргендиле бёлюмден.

Эллерибизде Уллу Ата журт урушда туугъан жерлерин фашистледен къоруулай жан бергенлеге жораланып ишленнген эсгертмеле бардыла. Биз билмегенликге, аланы хар бирини кесини энчи тарыхы да болур.

Бу материалымы жигити Жангуразланы Борисни къызы Сафиятды. Субай, акъыллы кёзлю къызгъа къарасанг, аны бийик адамлыгъына ишекли бир да боллукъ тюйюлсе. Ол магъаналы ышандан сора да, аны гиртчилигине сукъланырчады.  Дипломларына кёре филолог (ингилиз тил), экономист эки жыл мындан алда Нальчикде Басма юйню жанында  эр кишилеге деп  «CHOP-CHOP» атлы салон ачханды.  Жаш директорну бизнес-оюмларына тынгыласанг,  бюгюннгю дунияда да быллай хунерли жашларыбыз бла къызларыбыз болгъанларына къууанырыгъынг келеди.

Быйыл 26 февральда  Катанчиев Таля Мемович ёлгенли 4 жыл болады. Ол  Биринчи Къызбурунда (Атажукино) 1922 жылда 1 январьда туугъанды. Школну бошагъандан сора, урушха дери КъМАССР-ни Наркомпросуну политика жаны бла жарыкъландырыу управлениясыны инспектору болуп уруннганды, Бахсан районда да ол ишни бардыргъанды, «Социалист Къараты-Малкъар» газетни энчи корреспонденти болуп тургъанды.

Къабарты-Малкъар къырал аграр университетде  "Илмуну ыйыгъыны» эсеплери чыгъарылгъандыла. Анга аталгъан жыйылыу байрамгъа айланнганды. Анга башха вузланы студентлери да къатышхандыла.

Мусукаланы Сакинат отузгъа жууукъ китапны авторуду. Ол поэзия, проза, окъуу, сабий китапла, адабият тинтиуле бла да кюрешеди. Газет окъуучуланы аны жангы поэмасы бла шагъырей этебиз.

Биттирланы Юсюпню жашы Назир ёлген кюн Къабарты-Малкъарны халкъ поэти Созайланы Ахмат анга атап назму жазгъан эди. Бу материалымы мен андан башларгъа сюеме. Нек десегиз ол аны сыфатын толу ачыкълагъанды.