Календарь событий

15 февраля 2019

Сютге бла андан жарашдырылгъан ашарыкълагъа – энчи эс

Роспотребнадзорну Къабарты-Малкъарда Управлениясы, чыгъарылгъан эмда сатыуда болгъан сют продукцияны качествосуна дайым кёз-къулакъ болгъанлай турады. Ведомствону специалистлери былтыр производстволада эмда тюкенледе 114 тинтиу бардыргъандыла. Аланы кезиуюнде сютню санитар-химия эмда микробиология мардалагъа келишгенин билир ючюн 412 проба алыннганды. Химия веществола (мышьяк, гинасуу, къоргъашин, кадмий дегенча ауур темирле), радионуклидле, генно-инженерный тюрлендирилген организмле биринде да табылмагъандыла. Микробиология жаны бла уа 493 проба тинтилгенди.

Закондан билимли этер муратда

Кёп болмай Чегем шахарны Маданият юйюнде «Рыцари закона» деген районла аралы  конкурс болгъанды. Аны      акъылбалыкъ болмагъанланы  ишлери  жаны бёлюм  эм  билим бериу управление жаш адамланы саулукълу, къоркъуусуз  жашау бардырыргъа,  терроризмден, экстремизмден  башха аманлыкъладан да сакъланыргъа эмда патриот сезимлерин кючлергеди.    

Жашауу бла ахшы ыз къойгъанды

Гадийланы Татыуну жашы Мухажирни Хасания элде бюгюн да унутмагъандыла. Мен аны таукел айтыргъа боллукъма. Нек дегенде, аны  юсюнден жазардан алгъа элде жашаулары келген бир къауум адам бла сёлешгенме. Ол къаллай адам болуучу эди, деп соргъанымлай окъуна, аланы хар бири да: «Адамлыгъы бла кесине жетген жокъ эди, уллу санлы, ауур акъыллы, ишни сюйген, чынтты коммунист, элде намысы жюрюген, эллилеге жарагъан киши болгъанды»,- дегендиле.

Тарыгъыу тюз болгъанына тюшюннгендиле, анга кёре эсгертиуле жарашдыргъандыла

Къабарты-Малкъарны Жамауат палатасына Урван районну  Псыгансу элинде жашагъан Л.Т. Кардангушевадан Эски Черек – Псыгансу жолда  сууну жагъасы ашалгъаныны юсюнден тарыгъыу келген эди. Аны бла байламлы палатаны экономиканы айнытыу, предпринимательствогъа себеплик этиу эм жашау журт-коммунал мюлк  политика жаны бла комиссиясыны келечилери Хасанби Машуков бла Чеченланы Рустам, элге барып, халны кёргендиле. Ала да жылдан жылгъа, бютюнда жаз башында бла жайда, жагъа бекден-бек ашалып баргъанына шагъатлыкъ этгендиле.

Школчуланы проектге къатышыргъа чакъыргъандыла

Гуманитар тинтиулени институтунда Россей илмуну кюнюн белгилеуню чеклеринде илмуда жетишимлени «Вернисаж науки» деген кёрмючю ётгенди. РАН-ны КъМР-де Илму арасыны медиацентрини таматасы Фатима Магомедова билдиргеннге кёре, ары   кёп жаш адам келген эди. Ол санда «Альтаир» жаш тёлю клубну келечилери, Нальчикни 5 номерли эм Лячинкъая элни 2 номерли школларыны окъуучулары да.

Пландан кеч къалмаз ючюн къыстау кюрешедиле

Нальчикде 32-чи  номерли орта школну сабий садигини бир къатлы мекямыны къурулушу къыстау барады. Проект бла аны уллулугъу 711 квадрат метрден артыкъды. Кесини да  методика кабинети, физкультура  залы, быстыр жууучу, аш хазырлаучу мекямлары боллукъдула. Объект битсе, анда жыйырмашар сабий бла  эки къауум кечинирикди.

Былтыр юч мингден артыкъ ипотека кредитле берилгенди

Былтыр Къабарты-Малкъарда 5,8 миллиард сом багъасына юч мингден артыкъ ипотека кредитле берилгенди. Буруннгу жыл бла тенглешдиргенде ёсюм 44 процентден артыкъ болгъанды, деп билдиргендиле Россейни банкыны жер-жерли бёлюмюнден.

Республика – алчы регионланы санында

Бу кюнледе Ставропольда «Приоритеты регионов: контроль, госуслуги, цифровизация и развитие МСП» деген конференция бардырылгъанды. Аны ишине Россейни Экономиканы айнытыу министерствосуну, талай федерал эмда СКФО-да бла ЮФО-да регион власть органланы, бизнес жамауатны эмда къырал жумушланы тамамлау араланы келечилери къатышхандыла.

Ара шахарлагъа - учуз багъа бла

Нальчикден Москвагъа бла Санкт-Петербургга учхан «Аэрофлот» бла «Нордавиа» авиакомпанияла да билетле учуз болгъандыла.

Гриппден сегизеулен ауругъанды

Роспотребнадзорну КъМР-де Управлениясындан билдиргенлерича, бизни республикада грипп эмда ОРВИ бла ауругъанланы саны озгъан ыйыкъда эпидемия мардадан 61,5 процентге аз болгъанды. Нальчикде уа бу кёрюмдю 13,8 процентди.

Мураты - аналаны бла къагъанакъланы саулукъларын кючлендириудю

"Саулукъ"  миллет проектге тийишлиликде Къабарты-Малкъарда  "Родовой сертификатла" деген программа жашауда бардырылады. Анга  акушерство эм гинекология  неда педиатрия  жаны бла ишлерге  лицензиялары болгъан эмда РФ-ни  Социал страхование фондуну   регион бёлюмю бла келишим этген  больницала  къошулургъа  эркиндиле.

Жаш тёлю инновациялы чыгъармачылыкъны арасы къуралгъанды

КъМР-ни, республиканы Экономиканы айнытыу министерствосуну болушлугъу бла Инновациялы чыгъармачылыкъны  «Новатор» даш тёлю  арасы (ЦМИТ) къуралгъанды. Аны юсюнден учрежденияны башчысы Милана Чемазокова билдиргенди. «Аны ишини баш магъанасы -  инновациялы оюмланы жашауда бардырыргъа  юйретиудю», - дегенди ол.

Тенгиз Калдани – Россейни спортуну устасы

Ленинград азатланнганлы 75 жыл толгъанына аталып, Санкт-Петербургда каратеден "Невский факел" деген XXX битеуроссей турнир къуралгъанды. Анга къыралны 25 регионундан тюрлю-тюрлю жыл сандагъы 900-ге жууукъ спортчу къатышхандыла.

Ол къачан да, къайда да махтаулу болгъанды

                                                                      Оюмлу оноучу

Созайланы Аслангерийни жашы Мухашны Хасанияда танымагъан, намыс-сый бермеген хазна адам  болмаз. Ол элге башчы болгъанда этген ахшылыгъын кёпле унутмай турадыла. Сабырлыгъы, адамлагъа тынгылай билгени, эллилени жашауларын игилендирир ючюн, къолдан келгенни аямагъаны ючюн хурмет этедиле анга.

Альпинист кереклери, таулада сынаулары болмагъан совет аскерчилеге тау мараучула, егерьле бла сермеширге тюшгенди

     17 февральда Элбрусну тёппесине СССР-ни байрагъы орнатылгъанды

1942 жылда июльда фашист аскерле Донну жанындан Шимал Кавказгъа чабыуулну башлайдыла. Аскер-техника жаны  бла онглу немеслиле алгъа терк барадыла. Гитлер командованияны муратлары уллу эдиле:  къысха заманны ичинде Кавказ тауланы зорлап, Тбилиси, Кутаиси, Сухуми жанына чыгъып, анда нефтьни къолгъа этерге, Жууукъ эм Узакъ Востокну къыралларын къорууларгъа эмда   Тюркню фашист блокга къошаргъа.

Афган жолла бла

Ол къыйын эмда къоркъуулу жыллада Афганистаннга жиберилгенледен бири Зумакъулланы Мустафаны жашы Борис болгъанды. Ол ары КПСС-ни Къабарты-Малкъар обкомуну секретарыны къуллугъунда ишлеп тургъанлай, КПСС- ни Ара Комитетини бла СССР-ни Правительствосуну оноуу бла барып,  1985-1986 жыллада анда тургъанды. Бюгюн биз аны ол къазауатны юсюнден бир-бир эсгериулерин басмалайбыз.