Жаш гёжефлеге – ахшы сынам

Тырныауузну В.А. Губанов атлы «Геолог» спорт комплексинде ауур атлетикадан «Спорт терроргъа къажауду» деген чакъырыу бла республиканы биринчилиги бардырылгъанды. Анга Бахсан, Прохладна, Терк, Урван эм Элбрус районладан, Бахсан эм Нальчик шахарладан 15-20-жыллыкъ юниорла къатышхандыла.

 Кеслерини ауурлукъ къауумларында – Тамерлан Темроков, Ислам Шердиев, Алим Тохов (Урван район), Эльдар Жемухов бла Ислам Иванов (Бахсан район), Алийланы Агурби (Бахсан район),  Али Ошхунов (Бахсан ш.) хорлагъандыла. Къызлада эм кючлю Кристина Кунтишева (Терк район) болгъанды. Хорлагъанлагъа, призёрлагъа да республиканы Спорт министерствосуну грамоталары, майдаллары эм саугъала берилгендиле.

Суратда: саугъалаудан сора.