Политика

РФ-ни эл мюлк министри Дмитрий Патрушев министерствону Оператив штабыны кезиулю кенгешин бардыргъанды. Анда шёндю регионлада кюзлюкле не халда болгъанларыны эмда жаз башында урлукъ себиу ишге хазырланыуну юсюнден сёлешгендиле. Жыйылыугъа КъМР-ни эл мюлк министрини орунбасары Мачраил Шетов да къатышхан эди.

«Единая Россия» бла мени карьерам» партия проект битеу къыралда да ишлеп башлагъанды. Ол регионлада ишсизликни азайтыугъа бурулупду.   «Единая Россияны» Къырал Думада фракциясыны башчысыны орунбасары Андрей  Исаев айтханыча, бу проект инсанлагъа усталыкъ алып, жетишимли болургъа себеплик этерикди.

 2022 жылда къыралда эллени бла шахарланы газ бла жалчытыу программаны чеклеринде белгиленнген жумушла барысы да  толтурулгъандыла. Аны юсюнден «Единая Россияны» башчысы Дмитрий Медведев партия программаны жашауда бардырыуну эсеплерин чыгъарыугъа аталгъан кенгешде айтханды. Анда программаны быйыл тамамланыргъа белгиленнген жумушлары да сюзюлгендиле. Сёз льготалары болгъан инсанла юйлерин газ ызлагъа къошханда 100 минг сом субсидия бериу къалай къуралгъаныны юсюнден да баргъанды.

Къабарты-Малкъар къырал университетде Россейни сабийлерини эмда жаш тёлюсюню  къымылдаууну «Движение первых!»  деген биринчи съездине республикадан баргъан къауумгъа жораланнган къууанчлы жыйылыу болгъанды.

КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ УКАЗЫ

КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ УКАЗЫ

2023 жылда 1,5 минг школда тынгылы жангыртыу жумушла толтуруллукъдула. Аладан 363-сюнде тапландырыу ишле былтыр башланып, быйыл битдирилликдиле. Аны юсюнден бизге «Единая Россияны»   регион бёлюмюню пресс-службасындан бидиргендиле.

КъМР-ни Башчысы Казбек Коков быйыл журналистле бла жылны аягъында пресс-конференция бардыргъанды. Экономиканы, социал сфераны, эл мюлкню, транспортну, туризмни, инсанланы социал излемлерин жалчытыуну юслеринден соруулагъа жууапла бергенди регионну оноучусу.

Жылны ахырында республиканы социал-экономикасында   жетишимле болдургъанланы къырал саугъалау бла белгилеу ариу тёреге айланнганды. Быйыл да жылны ахыргъы кюнлеринде КъМР-ни Башчысы Казбек Коков  Правительствону юйюнде инсанланы уллу къауумун саугъалагъанды. Аланы арасында белгили артистле, врачла, алимле, экономистле, эл мюлкде уруннганла, устазла, налог органлада бла архив службада ишлегенле бар эдиле. Битеу  да бирге къырал саугъалагъа 64 адам тийишли болгъанды.

Республиканы Правительствосуну кезиулю жыйылыуунда ондан артыкъ бегимни эмда буйрукъну проектлерин сюзгендиле. Кенгешни КъМР-ни Правительствосуну Председатели Мусукланы Алий бардыргъанды.