Сабан ишлеге хазырланыу кюч ала барадыРФ-ни эл мюлк министри Дмитрий Патрушев министерствону Оператив штабыны кезиулю кенгешин бардыргъанды. Анда шёндю регионлада кюзлюкле не халда болгъанларыны эмда жаз башында урлукъ себиу ишге хазырланыуну юсюнден сёлешгендиле. Жыйылыугъа КъМР-ни эл мюлк министрини орунбасары Мачраил Шетов да къатышхан эди. Кюзлюклени юсюнден айтханда, министр быйылгъы къыш иги да сууукъ болгъанын белгилегенди. Алай дагъыда къар а хар регионда да кереклисича аллай бир жаумагъанына да эс бургъанды. Саулай къыралда болумну юсюнден айтханда, кюзлюклени 94 проценти тап халдадыла. Алгъын жылла бла тенглешдиргенде, ол кеси да орталыкъ кёрюмдюге саналады. Къабарты-Малкъарда быллай битимле 62 минг гектарда ёсдюрюледиле. Алгъын жыл бла тенглешдиргенде, юч процентге кёбюрек жерни аладыла. Асламысы (47 минг гектар) будайды. Кюзлюк арпа онбир гектарда ёседи, рапс а - 3,5 минг гектарда. Энтта да беш жюз чакълы гектарда уа эл мюлкде къармашханла мал ашха жараулу битимле ёсдюредиле. Саулай къыралдача, бизде да кюзлюклени хали игиди дерчады. Келир жаз башында сабан ишлеге хазырланыу да тири барады. Мюлкле урлукъ, отлукъ, семиртгичле ташыу бла кюрешедиле, техникагъа да къарайдыла.
Поделиться:
Читать также:
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
16.04.2024 - 12:39 →
Биринчи поликлиника жылны экинчи жарымында хайырланыргъа берилликди
12.04.2024 - 08:57 →
Жаш адамлагъа – не жаны бла да онгла
11.04.2024 - 14:13 →
Нальчикде террорчулукъгъа къажау болум кетерилгенди
|