Хунерлерин ачыкълагъандыла

«Россей школ жаз башы» экинчи Битеуроссей фестивальны Ставропольда озгъан ахыр урумунда эки жюзден аслам лауреатны бла алчыны атлары белгиленнгендиле. Бу проектни «Биринчилени къымылдаулары» жашауда бардырады. Анга, андан сора да, Ставрополь крайны Правительствосу, Жаш тёлюню союзу, Шимал Кавказ федерал университет тутхучлулукъ этедиле.

Фестивальгъа  къыралны 79 регионундан онекижыллыкъладан башлап онсегиз жыллары толгъанлагъа дери мингден аслам жаш бла къыз къатышханды. Аны 220 лауреатыны санында уа Нальчикни билим бериу махкемелеринден да сабийле бардыла. Алай бла, бир-бир дерследен терен окъутхан тогъузунчу номерли мектепни окъуучусу Сарбашланы Жаннета «Суратлау сёз/соло» деген бёлюмде энчи саугъа бла белгиленнгенди.

Андан сора да, бу школдан Ева Жемгуразова бла Денис Борщев «Сахна искусствону» биринчи  даражалы лауреатлары болгъандыла. Дагъыда бу бёлюмде хунерлерин ачыкълап, онбиринчи эмда алтынчы номерли мектеплени келечилери экинчи жерге чыкъгъандыла.