|
Жангылыкъла
8 октября, 2021 - 15:52
«Россети Шимал Кавказ» компанияны специалистлери Элбрус районда электрокюч комплексни къышха тынгылы хазырлагъандыла. Белгилисича, электрокюч оборудование сууукълада къыйыныракъ ишлейди. Бу тийреде уа альпинизмге эмда туризмге уллу магъана берилгени себепли, ол бютюнда ышаннгылы болургъа керекди.
7 октября, 2021 - 15:29
Кёп болмай Нальчикни 4-чю номерли гимназиясында «Кванториум» сабий технопарк ачылгъанды. Ол бу жол мектепни мурдорунда биринчи ачылады, ары дери уа анга жаланда «Кюн шахарда» жюрюрге онг болгъанды.
7 октября, 2021 - 15:19
Быйыл Къабарты-Малкъарда кёкшуу ёсдюрюлген жерле 100 гектаргъа жетдирилгендиле. Былтыр а ол жаланда 56,5 гектарда битгенди. Аны баш сылтауларындан бирлери иги кесек тирлик бергениди. Сёз ючюн, орта эсеп бла алып айтханда, бир гектардан 160 центнер тирлик чыгъады.
7 октября, 2021 - 15:14
Кёп болмай Терс-Къолда «Демография» миллет проектни чеклеринде къыралда бек бийик тау жерде орналгъан «Мечта» садик «Дирекция «Школа-2025» учреждение чыгъаргъан журналда аллай сейир махкемелени тизмесине къошулгъанды.
7 октября, 2021 - 09:00
Къабарты-Малкъар 46 россейли субъектни санында кир-кипчикни башха-башха жыярча орунла сатып алыргъа 64 миллион сом чакълы аллыкъды. Тийишли бегимге РФ-ни Правительствосуну Председатели Михаил Мишустин къол салгъанды.
6 октября, 2021 - 20:31
Коронавирус инфекциядан ауругъанланы хакъсыз дарманла бла жалчытыугъа регионлагъа 5,1 миллиард сомдан артыкъ жиберилликди. Къабарты-Малкъар ол жумушха 27 миллион сомдан аслам аллыкъды. Аны юсюнден тийишли буйрукъгъа РФ-ни Правительствосуну Председатели Михаил Мишустин къол салгъанды.
6 октября, 2021 - 18:13
Бизни республикада А-158 трассаны Алтуд элни ичинде бешкилометрлик кесегине белгиленнген болжалындан алгъа тынгылы ремонт этилгенди.
6 октября, 2021 - 17:40
Жууукъ заманда къурулуш ишлени чеклеринде 1936 жылда ишленнген Турбаза «Нальчикге» тынгылы ремонт этилликди. Аны къатында он минг квадрат метрге жетген жангы къонакъ юй комплекс да ишленирикди.
5 октября, 2021 - 12:28
Белгили RAEX деген рейтинг агентство билдиргенине кёре, ала жыл сайын школну бошагъанланы белгили россейли вузлагъа окъургъа киргенлерин тинтедиле, КъМР-ни Жарыкъландырыу, илму эм жаш тёлюню ишлери жаны бла министерствосуну сабий чыгъармачылыкъны «Кюн шахар» академиясы медицина вузлагъа тынгылы абитуриентлени хазырлауу бла Россейни эм иги школларыны санына киргенди.
4 октября, 2021 - 16:55
Россельхознадзорну Шимал Кавказда управлениясы Къабарты-Малкъарда карантин жерлени тинтиу эм игилендириу жаны бла дайым контроль бардырады.
Страницы
|