Жангылыкъла

Оналтынчы январьда Нальчикде Жангы жылгъа аталып велопарад боллукъду. Анга Къар Аппаны бла Къар Къызны кийимлерин кийип, Ставрополь крайдан, Шимал Осетиядан эм СКФО-ну башха субъектлеринден да велосипедчиле къатышырыкъдыла.  

Эски Жангы жылны байрамында «Полициячы Къар Аппа» школчулагъа къышда жолда къоркъуусузлукъну жорукъларын эсгертгенди. Бу жол акция Черек районда болгъанды.

Жамауат палатада Жаш тёлю совет – кенгеш органды, аны борчу палатагъа жаш тёлюню законлу сейирлерин эм эркинликлерин къоруулаугъа, жаш тёлю биригиулени ишлерин къураугъа эм жаш тёлю политиканы бардырыугъа себеплик этиудю. Аны мурдорунда жаш адамланы проектлери сюзюледиле, аланы башламчылыкъларын жашауда толтурургъа болушлукъ бериледи.  

Къабарты-Малкъарда товар рыноклада конкуренция не халда болгъанын эмда ол къалай айныгъанын жыл сайын тинтедиле. Бу иш РФ-ни субъектлеринде конкуренцияны айнытыу стандартха тийишлиликде бардырылады, дегендиле регионну Экономиканы айнытыу министерствосунда.

Беш жыл мындан алгъа – 2016 жылда 29 декабрьде Зарагиж ГЭС ишлеп башлагъанды. Бу объект Тёбен-Черек ГЭС-лени къауумунда ючюнчю болгъанды. Аны хайырындан республиканы районларын электрокюч бла жалчытыныу бютюнда игиленнгенди, деп белгилегендиле РусГидро компанияны Къабарты-Малкъарда бёлюмюнде.

Нальчикни Богданка микрорайонунда сабий поликлиника тынгылы ремонт этилгенден сора ачылгъанды.

«Россети Шимал Кавказ» компанияны Къабарты-Малкъарда бёлюмюню – «Каббалкэнергону» специалистлери Огъары Бахсанда ишленнген жангы сабий садикни озгъан жылны ахыр кюнлеринде ток сетьге къошхандыла.

Къыралны субъектлерини толтуруучу власть органлары товар рыноклада конкуренцияны айнытыу жаны бла 2020 жылда къалай ишлегенлерини эсеплерин чыгъаргъандыла РФ-ни Экономиканы айнытыу министерствосунда.

Жангы жылны аллында республиканы Жамауат палатасында Ф.М. Достоевский туугъанлы 200-жыл толгъанына аталгъан «Мой Достоевский» деген конкурсну эсеплери чыгъарылгъандыла.

«Сабийлери болгъан юйюрлеге къырал болушлукъ этиуню къошакъ амаллары» федерал законну 10-чу статьясына тюрлениуле кийириу» 451-чи номерли федерал законнга тийишлиликде ипотеканы аналыкъ капиталны ахчасы бла тёлерге жарарыкъ организацияланы тизмеси кенгертилгенди.