Жангылыкъла

КъМР-де Оператив штаб республиканы жамауатын бла къонакъларын келе тургъан байрамла бла алгъышлайды эмда сакъ болургъа чакъырады, террорчулукъ ишледен къорууланыуну быллай амалларына да юйретеди:

РусГидро компанияны Къабарты-Малкъарда бёлюмюню келечилери бу кюнледе Терк, Бахсан, Чегем, Черек эм Малка суулагъа эмда анга къошулгъан черекчиклеге 300 мингден артыкъ чабакъчыкъ (каспий лосось) жибергендиле.

Тыш къыралладан келтирилген продукцияны кесибизде чыгъарылгъан тюрлюлерине алышындырыу иш тири бардырылып башланнганлы экинчи ай озгъанды. Алай «Газпром газораспределение Нальчик» компания бу жаны бла мадар этип тебирегенли уа талай жыл окъуна болады.

Электрокюч бла жалчытыучу «Каббалкэнерго» компания токну урлаугъа къажау рейдлени дайым бардыргъанлай турады.

Къабарты-Малкъар бийик тау заповедник «Марш парков-2022»  битеуроссей акцияны чеклеринде жамауатны «Заповедная симфония» деген тёртюнчю республикалы  экология фестивальгъа къатышыргъа чакъырады.

 КъМР-ни Башчысы Казбек Коков  телеграм-каналында Уллу Ата журт урушну фронтларында сермешген аппаларыны аскер жолларыны юслеринден  билдиргенди. Анга жазылгъанла аны хапарына уллу эс бургъандыла.

Нальчикде бийик вольтлу аппаратура заводда чыгъарылгъан  устройстволагъа  Россейден тышында, ол санда  Белоруссияда  бла Къазахстанда да, сурам уллуду. Аланы Урал, Новочеркасск, Брянск электровозла ишлеген   заводлада да  ашыгъып сакълайдыла. 

Арт жыллада завод тыш къыралладан келтирилген  затланы хайырланмагъаны ючюн, толусунлай кесини материалы бла  ишлейди. Ол  бюгюнлюкде чырмалмазгъа  ахшы себепликди.

Аладан бирине бахилаланы санаргъа боллукъду.  Ала тазалыкъ изленнген кёп жерде хайырланыладыла – медицина аралада, косметология  кабинетледе,  компаниялада, предприятиялада эм башхалада. 

"РусГидро» компанияны Къабарты-Малкъарда бёлюмюнде быйыл биринчи кварталда ишлерини эсеплерин чыгъаргъандыла. Саулай айтханда, ГЭС-лени бары да бу кезиуде 42,06 миллион киловатт-сагъат электрокюч бергендиле

Былтыр  Къабарты-Малкъарда этден бла андан  этилген  продукциядан 78,6 минг тонна чыгъарылгъанды. Аны элли минг тоннасына жууугъу  эл мюлк организацияла бла элчи фермер мюлклеге жетеди.  Эсге сала айтсакъ,  республиканы рынокларында 63,5 минг тоннадан кёп хайырланылмайды. Ол себепден тышына сатарча да ахшы онгла  бардыла.   Аны юсюнден бизге КъМР-ни Эл мюлк министерствону пресс-службасындан билдиргендиле.