Энчи кийимлеге сурам дайым ёсе барады

Аладан бирине бахилаланы санаргъа боллукъду.  Ала тазалыкъ изленнген кёп жерде хайырланыладыла – медицина аралада, косметология  кабинетледе,  компаниялада, предприятиялада эм башхалада. 

Буруннгу жылдан башлап   энчи кийимле тикген  «Ева»  биригиуню  гигиена жаны бла аберилери, медицина комбинезонлары, медицина къаплары,  бахилалары  республиканы рыногунда кенг белгилидиле. 

Бусагъатлада  быллай продукцияланы тыш къыраллдан келтирирча логистика болум бек   осалды. Ол себепден  предприятие,  бахилалдан сора да,  ич рынокда сурам болгъан башха затланы да танг кесек чыгъарып башлагъанды. Сёз ючюн,  Россейни  цемент заводларыны ишчилерине   уллу объёмлада  энчи киймле тигеди.
Бюгюнлюкде   «Ева» предприятияда отуздан аслам адам урунады. Арт заманлада заказланы санына танг къошулгъаны ючюн, мындан арысында да  иги кесек жангы ишчи жерле къурар  муратлыдыла.