Чабакъланы кёбейтиуге къошумчулукъларыРусГидро компанияны Къабарты-Малкъарда бёлюмюню келечилери бу кюнледе Терк, Бахсан, Чегем, Черек эм Малка суулагъа эмда анга къошулгъан черекчиклеге 300 мингден артыкъ чабакъчыкъ (каспий лосось) жибергендиле. Аны аллында гидроэнергетикле, Росрыболовствону Шимал Кавказда бёлюмюню специалистлери бла оноулашып, аланы илму тинтиулери бла шагъырейленнгендиле. Чабакъчыкъланы уа тийишли заводда ёсдюрюп, жерлерине энчи машина бла келтиргендиле. Компания бу ишни жыл сайын бардырады. Жылны ахырына дери энтта да аллай мадар этерикди. Саулай айтханда, энергетиклени къармашыуулары бла, бу суулада быйыл быллай чабакъчыкъланы саны эки миллионнга кёбейирикди. Гидроэнергетика компанияны бёлюмюнден билдиргенлерине кёре, бу чабакъ тас бола баргъаны ючюн Къызыл китапха тюшгенди. Аланы череклеге жиберирни аллында тийишли заводда бир жыл чакълы ёсдюредиле, 13-20 грамм ауурлукъ алгъынчы. РусГидрону табийгъатха себеплик этиую аны бла чекленип къалмайды. Тёбен-Черек ГЭС-леде плотиналаны къатларында чабакъла суу бла жюзюп ёрге чыгъарча энчи быргъыла да ишленнгендиле.
Поделиться:
Читать также:
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
|