Календарь событий

Россейни Коммунист партиясыны КъМР-де регион бёлюмю СССР къуралгъанлы 100-жыл толгъанын  къууанчлы халда белгилегенди. Байрамгъа партияны районлада бёлюмлерини келечилери жыйылгъандыла. Таматаланы, тёреде болуучусуча, пионерле да алгъышлагъандыла.

Тау жерлени кинематографистле  сюйюп сайлайдыла. Минги тауну тийресинде да кёп фильмле алыннгандыла. «Вертикаль»  аладан бириди. Ол альпинистлени Элбрусха ёрлеулерини юсюнден хапарлайды.  Анда атлары кенг айтылгъан Владимир Высоцкийни, Лариса Лужинаны, Маргарита Кошелеваны, Геннадий Воропаевни, Александр Фадеевни кёрюрге боллукъду.

Къабарты-Малкъарны бла Беларусь республиканы арасында байламлыкъла къурау жаны бла ишчи къауумну жыйылыуу видеоконференция халда ётгенди бу кюнледе. Анга ол къыралны информация министри Владимир Перцов, Беларусьну Россейде Посольствосуну Дондагъы Ростовда бёлюмюню башчысы Денис Тимохин, РФ-ни МИД-ини Минеральные Воды шахарда Келечисини къуллугъун толтургъан Сергей Нюппа, КъМР-ни экономиканы айнытыу министри Рахайланы Борис, эл мюлк министри Хасан Сижажев, промышленность, энергетика эмда сатыу-алыу министри Шамиль Ахубеков, «КъМР-ни айнытыу Корпорация» АО-ну башчысы Чочайланы Ахмат, «СТЭМ» ООО-ну башчысы Бёзюланы Аслан эм башхала къатышхандыла.

Кёп болмай Россейни Экономиканы айнытыу министерствосу  «Мой бизнес» ара бла бирге  #Мойбизнес Помогает деген жандауурлукъ акция ётдюргендиле.  Аны баш магъанасы  - регионлада къолайсызлагъа болушлукъ тапдырыргъады эм жандауурлукъ ишге жамауатны эсин бурургъады. Къабарты-Малкъар да «Мой бизнес» араны бёлюмюню башламчылыгъы бла  анга 2019 жылдан бери къатышады. Ол бизнес биригиу къошумчулукъ этмей къуралмазлыгъын да энчи белгилерчады.  

Хапар

Хажомар бла Жабраил, бир жыллыкълыла,  бир элде туугъандыла. Сабийликден, бир бирлеринден айырылмай ахшы тенгле болуп ёсгендиле. Хажомар ата-ана къолунда жангыз жаш. Жабраилни уа эгечи, къарындашы да бар. Ала да ата-ана оноуу бла жашайдыла. Тауусулдула школ жылла. Мектепни бошагъан къызла, жашла билимлерин андан ары ёсдюрюрге, усталыкъ алыргъа шахаргъа кетдиле. Хажомар  а элде  къалып, къара ишге  тохтады.

Нальчикни полициячылары кибер аманлыкъчылагъа къажау акция ётдюргендиле. Анга Россейни МВД-сыны Нальчик шахар округда управлениясыны Жамауат советини келечиси Игорь Кобозев да къатышханды.

Халкъыбызны атын айтдыргъан спортчуларыбыздан бири дзюдочу Мисирланы Исмайылды.  Кеси ауурлугъунда (66кг.) ол бюгюнлюкде Россейни жыйымдыкъ командасында биринчи тизмедеди. Мисир улу кёп даражалы турнирле бла чемпионатлада хорлай келеди. Ол къатышхан ахыр эришиу август айда бардырылгъан Битеуроссей спартакиада эди. Анда таулу жаш, «алтын» ючюн сермешде алчылыкъны жибермей, чемпион атха тийишли болгъанды.

Къабарты-Малкъарда «Долина нарзанов» экопаркны кезиулю къыш сезонну ачыу бла байламлы къууанчха къатышханла  жолда жюрюуню жорукъларын билиулерин кёргюзтгендиле. Тюбинг трассаны ачылыууна келген туристле эришиу халда къуралгъан оюнда билимлерин сюйюп ачыкълагъандыла.

Быйыл 13-15 декабрьде Бирлешген Арап Эмиратлада (ОАЭ) Дубай шахарда «Middle East Organic And Natural Product Expo 2022» кёрмюч ётгенди. Ары келгенле органика эмда таза, жалгъан болмагъан ашарыкъланы тюрлюлерине къарагъандыла. Жууукъдагъы Востокда быллай продукцияны кёрмючю жаланда ма буду. Ол бардырылып башланнганлы онжети жыл болады, деп билдиргендиле КъМР-ни Экономиканы айнытыу министерствосундан.

Белгили поэт, жазыучу Байрамукъланы Башчыны къызы Халимат 1917 жылда 15 августда Хурзукда туугъанды, он сабийни кичиси болуп ёсгенди. Аталары, агъач уста, эртте кетип, юйюрю ёксюзлюк сынагъанды. Элде жетижыллыкъ школну бошагъанлай, Халимат Микоян (бусагъатда Карачаевск) шахарда медицина техникумгъа киргенди.

«Россети Шимал Кавказ» компанияны тёлеу сервислерин хайырланыучуланы саны Къабарты-Малкъарда кёпден-кёп бола барады, дегендиле аны регионда бёлюмюню пресс-службасында. Сайтда «Энчи кабинетден» сора да, абонентлеге деп «Свет онлайн» приложение чыгъаргъандыла. Бу айны биринчисине аны бла абонентле 15 минг кере тёлегендиле. Ахча бла тергегенде, энергокомпанияны счётуна ол халда 14,5 миллион сом тюшгенди.