Календарь событий

Къабарты-Малкъарда «Къоркъуусуз эмда качестволу автомобиль жолла» миллет проектни чеклеринде быйыл онбир айгъа 103 километр чакълы жолгъа тынгылы ремонт этилгенди. Былтыр бу заман теглешдиргенде, ол 46 проценте кёпдю, деп билдиредиле  КъМР-ни транспорт эмда жол мюлк министерствосуну  пресс-службасындан. 

Россельхозбанкны «Кеси Фермерчилигибиз» цифралы экосистемасыны чеклеринде агропромышленность комплексде предпринимательство бла кюрешгенлеге «Кесибизники» деген онлайн-проект жарашдырылгъанды. Ол фермерлени эмда алыучуланы бирикдирикди, деп белгилегендиле финанс учрежденияда.

Москваны биржасыны кёрюмдюлерине тийишлиликде Къабарты-Малкъарда жашагъанла быйыл октябрьны ахырына анда тогъуз минг энчи инвестициялы счёт ачхандыла. Битеу да бирге Шимал Кавказ федерал  округда уа аланы саны 94 минг болады, -дегенди Россейни Банкыны Къабарты-Малкъарда бёлюмюню башчысыны орунбасары Балаланы Расул.

Арт кезиуде жаш тёлю, къабыргъасын жашаугъа жарашдыра, аны бла бирге уа тутхан ишлеринде юлгюлю да болгъанлары ахшы ышанды. Нальчикде «Альбион» лингвистика ара ачылгъанлы  алай кёп заман озмагъан эсе да, бери кёпле жюрюйдюле.  Биз, аны директорларындан бири Мисирланы Фатимагъа тюбеп, школну ишини юсюнден ушакъ этгенбиз.

Нальчикчи 54-жыллыкъ тиширыу 2 декабрьде Полицияны бёлюмюне келип, ол маршрут таксиге олтура туруп, сумкасындан бочхасын чыгъаргъанларыны юсюнден билдиргенди.

Арт кезиуде телефон бла адамланы алдап, ахчаларындан къуру къалдыргъанланы хыйлаларына тюшгенлени саны ёсе барады.  Эки кюнню ичинде Урван районда жашагъан эки тиширыу аллай аманлыкъчыланы хаталарындан 86 минг сомларындан къурлай къалгъандыла.

Коронавирус жукъгъан ауруу жайылыргъа къоркъуулу кезиуде адам улугъа  аслам  жангычылыкъгъа тюберге тюшгенди.  Бютюнда ол  кенг жайылгъан къыраллада  экономиканы кёп бёлюмю  апчыгъанды. Ол санда  чекле салыннганларыны хатасындан туризм отрасль, авиакомпанияла, адамланы булжутхан индустрия, автопром,  къурулуш сектор эм башхала жунчугъандыла.

Таулу халкъны аты бурун заманладан бери ёлюмсюз нарт таурухла бла жырлада айтыла келгенди. Халкъны жаны сау къадарда ол жырла бла тау­рухла унутуллукъ тюйюлдюле. Буруннгу грек мифледе Зевс, темирчи Гефест, тилчи Гермес, адамлагъа кёкден от алып келген Прометей, сюймекликни ёкюлю Афродита кибик аллай тейриле болгъан эселе, бизни нарт таурухлада – кюйсюз Фук, эриусюз Элия, нартланы азат этген Ёрюзмек, халкъ ючюн эмегенледен, Про­метей кибик, от алып къачхан Сосурукъ, Афродита кибик, ариу да, акъыллы да Сатанай, Гефест кибик, уста те­мирчи Дебет, Гермес кибик, ачы тилли, сёзчю Гилястырхан, дагъыда алагъа кёре башха нарт батырла, тейриле да тюбейдиле.

 Кеп болмай Къабарты-Малкъарны алтмышха жууукъ китапханасы Россейни Банкыны  Югда бёлюмю бардыргъан «Уголки финансовой грамотности»  деген жарыкъландырыу  проектине къошулгъандыла.

Кёп болмай   Роспотребнадзорну Къабарты-Малкъарда бёлюмюнде « иссаи  ыз»  бла такси службаланы ишлерине этилген тарыгъыуланы эсеплегендиле. Саулай да аны кезиуюнде 70-ге  жууукъ бузукълукъ  ачыкъланнганды, деп билдириледи Управленияны пресс-службасындан.  

Биз сабийлигибизде терк – терк эшитип тургъанбыз Огъары Малкъарда тилек этген жер болгъанын. Сабийлери болмагъан тиширыула ючюн билгич ол жерге барып тилек айтханды. Битеу башха къыраллада да бардыла аллай сыйлы жерле. Сёз ючюн, Петрич шахардан сегиз километр узакълыкъда Рупите элни къатында къабырлагъа дунияны кёп жерлеринден келген адамла жыйыладыла. Рупите Кожух деген жер эрттегили уллу вулканны кратериди. Шёндюге дери да андан бюркюп чыгъып турады тылпыулу гара суу. Ахыр жыллада  билгич тиширыу вулканны тамагъында жашагъанды эм адамлагъа да алайда къарап болгъанды.

Битеуроссей халкъ фронтну Къабарты-Малкъарда бёлюмюню келечилери жамауат тийрелени тапландырыу жаны бла программа быйыл Май шахарда къалай толтурулгъанын къайтарып жангыдан тинтгендиле. Жерине барып къарагъанларында,  алгъын ачыкъланнган кемчиликле кетерилмей  тургъанларын кёргендиле. Къалай болсада, шахарны мэриясына энтта да бир кере эсгертиу жиберирге тюшгенди, деп билдиргендиле ОНФ-ден.

Кёп болмай «Россети Северный Кавказ» компанияны  бёлюмю  «Каббалкэнерго» биригиуню  таматасы  Муртаз Каров,   районлада электрокюч сетьлени баш инженерлери  да къатышып,  оператив  штабны кенгешин бардыргъанды. Ол   къыш сууукълада къоранчланы азайтырча мадар этерге кереклисине жораланнганды, деп билдиригендиле  компанияны пресс-службасындан.   

Белгили орус поэт, жазыучу, драматург, аскер корреспондент Константин Симонов туугъанлы бу кюнледе 105 жыл болады.  Ол Социалист Урунууну Жигити эди, Ленинчи саугъаны, алты кере да Сталинчи саугъаны лауреаты, орус-япон эм Уллу Ата журт урушлагъа къатышхан адам. Аны атын бек биринчи урушну ал къышында «Правда» газетде басмаланнган «Сакъла мени» деген назмусу айтдыргъанды.

Север полярный  гюренни  огъары  жанында  халал  хайыуан  болуп шимал буудан уллу жокъду. Северде  жашагъан халкъланы эпосларыны, жомакъларыны, нарт сёзлерини, жырларыны, хапарларыны асламысында  буу баш жерни  алады, аламат хайыуанча, акъыллы  жаныуарча, ырысхыны, байлыкъны мурдоруча кёргюзтюледи. Кертиси бла да алайды. Северде жашагъан чукчаланы, корякланы, ненецлени, эвенклени, эвенлени, энцлени, юкачирлени  эм башха ууакъ миллетлени  жашаулары, ишлери да бу хайыуан  бла  байламлыды. Тюрк тилли бу халкъланы бир - бирлери  шимал  буугъа карибу дейдиле. Бу малны тюгю къаралдым - морду.