Бохчаны урлагъанды

Нальчикчи 54-жыллыкъ тиширыу 2 декабрьде Полицияны бёлюмюне келип, ол маршрут таксиге олтура туруп, сумкасындан бочхасын чыгъаргъанларыны юсюнден билдиргенди.

Ол транспортха кире туруп, ызындан сюелген эр киши аны сумкасындан бочхасын чыгъаргъанды. Ол затны водитель эслегенди, болсада  эр киши алайдан къачып къутулгъанды. Тиширыу айтханнга кёре, бочхада 1850 сом ахча болгъанды.

  Оператив-излеу ишлени кезиуюнде аманлыкъчыны тапхандыла. Ол Дыгулыбгей элде жашагъан, алгъын да жууаплылыкъгъа тартылгъан, 56-жыллыкъ  эр киши болгъаны тохташдырылгъанды. Этген аманлыкъчы ишин ол боюнуна алгъанды.

РФ-ни Ич ишлерини КъМР-да министерствосуну пресс-службасындан билдиргенлерине кёре, ол бузукълукъ иш ючюн полицияны дознания бёлюмю аны РФ-ни Уголовный кодексини 161 статьясыны 1 кесегине кёре (тонау) уголовный жууаплылыкъгъа тартыргъа деп белгилегенди. Анга кёре, адамны 4 жылгъа дери олтуртургъа болады.