Календарь событий

Бахсан тау жамауат бир атлы сууну жагъасында орналгъанды, аны  къыбыладан къоншусу Сванетияды, шималдан – Къабарты, кюнбатышдан -  Чегем, кюнчыгъышдан – Къарачай.  Аны бек эрттегили тарыхы барды. Жазмада аны биринчи айтылгъан шартлары Минги тауну тийресинде аслам эллени бла къалаланы жокъ этип келген Тимур бла байламлыдыла.  Аны юсюнден материалны философия илмуланы кандидаты Жангуразланы Мухаммат жибергенди. Биз аны хазырлап газетде басмалайбыз.

Замансыз жашаудан кетиуню сылтауларындан бирине  инфаркт саналады. Ол бек магъаналы бюгюннгю жарсыуладан бири болгъаны ючюн аны юсюнден билирге керек шартланы эсигизге салайыкъ. Материал «Аиф. Саулукъ» газетни алгъыннгы номерлеринде басмаланнган материаллагъа кёре жарашдырылгъанды.

Ашагъан ашыбыз, татыулу болгъандан сора да, саулугъубузну къорууларгъа болушхан кёп тюрлю витаминледен толу болургъа керегин барыбыз да билебиз. Болсада къыш айлада кесибизни тюрлю-тюрлю жукъгъан аурууладан сакълар мадарланы, нек эсе да, эсибизге алмай, «кесекле» чархыбызгъа сингнгинчи турабыз. Бюгюн ючюнчю поликлиниканы врачы Рахайланы Аслижан иммунитетни къаллай ашла бла кючлендирирге боллугъуну юсюнден айтады. Ала, жашау сынаула кёргюзтгеннге кёре,  кёп аурууладан къутхармасала да, сууукъланы аллында вирус кесекледен сакъларыкълары ишексизди.

Бюгюн биз сизни 1980 жылда белгили фольклорчу эм жазыучу Таумырзаланы Далхат Хозаланы Хусейден (1895 ж.т.) жазып алгъан эсгериулени бир кесеги  бла шагъырей этереге сюебиз.

Быйылны  ахырына  агропромышленный  комплекс бла байламлы объектлени къурулушларына   неда жангыртыугъа  этилген къоранчланы бир кесегин къайтарырча    Къабарты-Малкъаргъа  федерал бюджетден  463,3 миллион сом бёлюнюрюкдю.

 Кёп болмай «Хар кимге жангы амалла»  федерал эм «Билим бериу» миллет проектлени чеклеринде Къабарты-Малкъар къырал университетде  къошакъ халда усталыкъ алырча  эмда квалификацияларын ёсдюрюрча   курсла  бардырылып  башлагъанларын  билдиредиле  вузну пресс-службасындан.

Бюгюн а биз огъурлу таулу аналарыбыздан бири Диналаны Рабийгъатны юсюнден хапар айтырыкъбыз. Ол Къазахстанда туугъан тёлюбюзденди. Журтубузгъа къайтыргъа эркинлик берилгенинде, аны атасы Улбашланы Ахмат бла анасы Чепкенчиланы Зухура къолларында тёрт сабийлери бла Жангы Малкъар элге келип, анда юй-журт къурагъандыла. Къудуретни ахшылыгъындан, артда бу юйюрге дагъыда эки жаш бла анча да къыз къошулгъандыла. 

Окъуугъа талпынып, ол жаны бла жетишимли бола, халкъыбызны атын айтдыра, кеслерини хунерлиликлерин да ачыкълаялгъан къызларыбыз бла жашларыбыз не заманда да миллетибизде бола келгендиле. Ол, айхай да, барыбыз да къууанырча, не букъдурлугъу барды, ёхтемленирча да шартды. Бюгюнлюкде да кеслерини тириликлери, билим алыргъа итиниулюклери, республика, къырал даражада да бирсиледен артха къалмай, ал сатырда окъуна баралгъан жаш тёлюбюз тамблагъы кюннге ышаныуубуздула. 

«Заман» – сизни газетигизди
 
Сыйлы жамауат!
 
«Заман» - миллетибизни жангыз газетиди. Аны бетлеринде малкъар халкъны культурасыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.
Алайды да, жазылыгъыз, билеклик этигиз кесигизни газетигизге! Мындан ары да ол сизни керти шуёхугъуз, огъурлу сёз нёгеригиз болур деп ышанабыз.
 
Бизни индексибиз – П 5893

Жумуш чыгъады да, элге барыргъа тюшеди. Вокзалгъа келип, анда тапчаннга олтуруп, автобусну сакълайма. Адам кёпдю. Бирле киредиле, башхала чыгъадыла. Менича, олтуруп сакълагъанла да бардыла. Заманны къысхартыр муратда, газетни ачып, окъуй турама.

Азияны киштиклери: къапланлары арсланлары, пантералары, леопардлары да, африкалы киштиклеча, жый-ынла болуп, жашау этмейдиле, уугъа да алача, ючеу-тёртеу,  анданда   кёп болуп, бармайдыла. Азияны киштиклери энчиликни сюйген затладыла. Быланы жыйынларында кёп болса да, бир юйюр болады-анасы бла бир жыллыкъ балалары. Андан сора хар бири кеси аллына болады, кеси башына кеси оноу этеди, кеси тутады кесин. Жаланда къапланла чыгъаргъа боллукъдула, анда-санда экеу-ючеу болуп, ууутъа.

Мариям кёзге уруннган къызладан эди, аны насыбы да алай боллугъуна ишекли табылмаз дерча сау Беш да Тау элде. Узун къалын эшмелери, жарыкъ тёге тургъан ала кёзлери, ышаргъаны кёз къамата. Жашлыкъ не заманда да ариуду. Муну юсюнде уа усталыгъын къызгъанмагъанды.