Ахчаларындан къурлай къалгъандыла

Арт кезиуде телефон бла адамланы алдап, ахчаларындан къуру къалдыргъанланы хыйлаларына тюшгенлени саны ёсе барады.  Эки кюнню ичинде Урван районда жашагъан эки тиширыу аллай аманлыкъчыланы хаталарындан 86 минг сомларындан къурлай къалгъандыла.

Биринчисине 12 декабрьде эр киши сёлешип, аманлыкъчыланы аны аты бла 150 минг сом багъасы кредит алгъанларын айтханды эм ахча аны счётунда къалыр ючюн ол анга картасы бла байламлы информацияны билдирирге кереклисин билдиргенди. Нарткъалачы тиширыу анга ийнанып, хар айтханын этгенди. Ызы бла аны картасында болгъан 76 минг сому тас болгъандыла.

 Ол кюн дагъыда урванчы 35-жыллыкъ тиширыугъа аны «Авитода» болгъан билдириую бла эр киши сёлешип, сатылгъан коляскасын алыргъа сюйгенин билдиргенди. Сора ызы бла ахчаны терк окъуна ётдюрюрге излегенин айтып, картсыны юсюнден информацияны тилегенди. Ийнаннган тиширыу хар затны да билдиргенди. Андан сора ол банк картасында болгъан 10 минг сом ахчасындан къурлай къалгъанды.

Эки тиширыу да ол полициягъа келип, заявленияла жазгъандыла. Уголовный иш ачылгъанды.

Эсигизге салайыкъ:

-банкда ишлегенле бир заманда картала бла байламлы информацияны билирге излемейдиле;

- ушакъны «роботха» кёчюрмейдиле;

- ахчаны сакълар мурат бла аны башха счётха ётдюрюрге буюрмайдыла.

Дагъыда интернетде  сатыу-алыу этген кезиуде,  карточка бла байламлы информацияны биреуге да билдирирге жарамайды.