Пандемияны кезиуюнде изленнген усталыкъла

Коронавирус жукъгъан ауруу жайылыргъа къоркъуулу кезиуде адам улугъа  аслам  жангычылыкъгъа тюберге тюшгенди.  Бютюнда ол  кенг жайылгъан къыраллада  экономиканы кёп бёлюмю  апчыгъанды. Ол санда  чекле салыннганларыны хатасындан туризм отрасль, авиакомпанияла, адамланы булжутхан индустрия, автопром,  къурулуш сектор эм башхала жунчугъандыла.

Болсада пандемияны кезиуюнде алгъынча керек усталыкъла да бардыла. Аланы кёбюсю хоум-офисден  (юйден)  ишлерге жарагъанладыла.  Сёз ючюн, IT –специалст,  банк ишчи,  связьны оператору, устаз, журналист, преподаватель, менеджер, страховой   агент.

Аны бла бирге аласыз жашау этерге къыйын боллукъ усталыкъланы да унутургъа жарамайды. Сёз ючюн,  эпидемия жылла бла созулургъа тюшсе, жарсыугъа,  аллай къоркъуу а  барды. Пандемия ючюн   бу  усталыкълагъа сурам есёрикди  эмда айлыкъларына танг къошуллукъду -  врачла,  полициячыла, аскерчиле, супермаркетледе  сатыучула, провизор – фармацевт, сиделка, дезинфектор, курьер, таксист, водитель, коммунал службаны ишчиси, интернет - тюкенленни келечиси,   эсеплеген приборланы тинтген контролёр, медсестра, санитар. Андан сора да, пандемия бошалса.  антикризис бла  финанс  консультантла эм психологла  да бек керек боллукъдула.

Арт кезиуде компанияланы иги  кесеги онлай халда ишлерча амалны сайлагъанлары ючюн диджитализация жаны бла специалистле,  программистле, SMM эм контент-менеджерлеге да сурам ёсерикди.    Бюгюнлюкде кёбюсюнде кадрла  саулукъ сакълау бла эл  мюлк  бёлюмге  изленедиле.

Респондентлени 69 проценти ишчи жерлерин алышыргъа, 43 проценти къуллукъларында ёсерге,   18 проценти компаниялары финанс жаны бла хайырлы болмагъанын эм 8 проценти уа ишлерге сюймегенлерин билдиргендиле.

Информагентстволаны материалларына кёре  Магометланы Сулейман хазырлагъанды.