Финансла жаны бла билимни ёсдюре

Кеп болмай Къабарты-Малкъарны алтмышха жууукъ китапханасы Россейни Банкыны  Югда бёлюмю бардыргъан «Уголки финансовой грамотности»  деген жарыкъландырыу  проектине къошулгъандыла.

 Аны чеклеринде кредитлени, вкладланы, финансла жаны бла план къурауну,  хыйылачыладан ахчаны сакъларча амалланы эм башха затланы юсюнден    вебинарла болгъандыла.  Программагъа кёре   лекцияла, видеороликле,  интерактив оюнла да ётгендиле.

- Мындан арысында да китапханалагъа келгенле  финансла жаны бла билимлерин ёсдюрюрча «мюйюшле» эм башха мадарла да  къурарыкъбыз.  Сёз ючюн, бара тургъан айда аллай жерле  республиканы хар районунда да  ишлеп тебирерикдиле, -дегенди  Россейни Банкыны республикада бёлюмюню башчысы Мурат Керефов.

Эсге сала айтсакъ, алгъаракъда  «Уголки финансовой грамотности» деген майданла  Краснодар крайда эм Дагъыстанда да ачылгъандыла. Келир заманда уа  ЮФО-ну бла СКФО-ну башха субъектлери да ол  башламчылыкъны хайырланырыкъдыл ышаныулукъ барды.