Календарь событий

КъМР-ни Саулукъ сакълау министерствосуну Перинатал арасында абортла этиуге къажау битеуроссей ыйыкъны чегинде «Манга жашау саугъала!» деген акция ётгенди. Анга республиканы Минздравыны ишчилери, дин келечиле, араны специалистлери, арада аналыкъ школгъа жюрюген анала боллукъ тиширыула къатышхандыла. Марьяна Казанованы  «La stella» продюсер арасында эм Жанатайланы Ирэнаны  «Кавказны ёхтеми» миллет тепсеулени студиясында юйреннгенле тюбешиуге энчи жарыкълыкъ къошхандыла.

Кёп болмай  Бахсанны ара поликлиникасына тынгылы ремонт этип башлагъандыла.  Саулай  ишлеге 6,5 миллион сом къоратыллыкъды.

Мекямгъа иги кесек заманны къаралмагъаны ючюн ол тозурап халек болгъан эди. Энди аны башын, тыш къабыргъаларын  жангыртырыкъдыла эм  мурдорун да кючлерикдиле.

Бу кюнледе мында ишле къалай баргъаларына къараргъа КъМР-ни саулукъ сакълау министри Марат Хубиев да келгенди.  

Къырал кереклени сатып алыуну  сайтында билдирилгенича, проектге ахчаны предпринимательле эмда башхала бергендиле. Ол санда «Наши окна 07» фирма бла  келишим этилгенди.

Алгъаракълада, жумуш чыгъып, тау эллерибизден бирине барыргъа тюшеди. Эрттенликде вокзалгъа келип, автобусха минип, кетер заманыбызны сакълайма. Мени ызымдан кирген экеулен, эр киши бла тиширыу, жашаулу адамла, аллымда шинтиклеге олтурадыла. Тиширыу жол нёгерин алгъа жиберди да, ол олтургъандан сора, жан-жанына да къарап, аны къатына чёгеди.

Адам талай тюрлю жумушлагъа этген къоранчларыны бир кесегин артда къыралгъа тёлеген налогдан къайтарыргъа боллукъду. Бу жол сёз мында дарман сатып алыуну юсюнден барады. Эсге сала айтсакъ, быйылгъа дери РФ-ни Правительствосуну бегими бла къабыл этилген тизмеге тюшген препаратланы алгъанлагъа къайтарылыучу эди къоранчларыны бир кесеги. Алай энди уа ары дарманланы бары да киредиле. Аланы жаланда врачны рецепти бла сатып алыргъа керекди, деп билдиргендиле федерал налог службаны Къабарты-Малкъарда Управлениясындан.

Быйыл сентябрьде Терк районда энтта да эки ясли ишлеп башларыкъды. Муниципалитетни жер-жерли администрациясындан билдиргенлерине кёре, бу объектлени къурулушу шёндю барады.

Роспотребнадзорну Къабарты-Малкъарда бёлюмюнден билдиргенлерича, бизни республикада маллада бла жаныуарлада  къутургъан ауруу  бла болум осалыракъды. Быйылны биринчи жарымында, жаныуарла къабып, медицина учреждениялагъа  болушлукъ излеп 1289 адам баргъанды. Ол санда 482 сабий. Кийик жаныуарладан онтогъуз адам ачыгъанды (бешиси - сабийле), хауле итле уа 375 адамны къапхандыла. Быллай шартла, кёп - аз болсала да, битеу  районлада тохташдырылгъандыла.

КъМР-де эл мюлкледен бирини алгъыннгы таматасы, хыйлачылыкъ этип, 24 миллион сом къоллу болгъанына ишеклик барды.

Жыл сайын билим бериуде бола келген тюрлениуле ата-аналаны, устазланы,  школну бошагъанланы да сагъайта эселе да, окъууну ахшы тауусуп, жюреклери излеген вузгъа кирирге сюйгенле асламдыла. Айхай да, ары дери Бир къырал экзаменни берирге, андан тийишли балланы алыргъа да керекди.

Быйыл да тёрт мингден аслам окъуучу школланы бошап, вузланы абитуриентлери болгъандыла. Аланы арасында башха-башха предметледен жюз балла алгъанла да иги кесекдиле. Эсгерте кетейик, былтыр аллайланы саны 23 эди. Бу жол а ЕГЭ-леде эм бийик жетишимле болдургъанла 32 адамдыла.

«Учительская газетада» эм башха журналлада бла газетледе халкъ педагогиканы юсюнден бек кёп жазадыла.  Бусагъатда уа халкъ педагогика терк айнып барады. Нальчик шахарны онтёртюнчю номерли гимназиясыны малкъар тил бла литературадан устазы Рахайланы Раиса Аслангериевна айтханнга кёре, кёп ата–анала  ёз  тилге эс бурмайдыла.

Россей Федерацияда «Энергияны аяуну, энергетика къыйматлыкъны кючлендириуню эмда талай законнга тюрлениуле сингдириуню юсюнден» 261-ФЗ номерли федерал закон 2009 жылда 23 ноябрьде къабыл этилгени бла  фатарланы эмда юйлени иелери электрокючню эмда таза сууну эсеплеген приборланы орнатыргъа борчлудула.

Минги тауну тийресиндеги сейир да, тамаша да табийгъат бизни уллу байлыгъыбызды деп таукел айтыргъа боллукъбуз. Бюгюнлюкде Миллет паркны жеринде агъач 9 минг гектарны алады. Ол битеу тийрени ондан бирин тутады. Асламысында мында нарат бла къайын терекле ёседиле.

Таулу адам бек къыйын сагъатында: «Ой, анам!»- деучюсю барыбызгъа да белгилиди. Бизни къалыубаладан бери жашап келген эрттегили халкъыбызны ёзегин къурагъанла,  тарыхчыланы айтханларына кёре, скифледиле, гуннладыла, печенегледиле, хазарладыла, болгарладыла, аланладыла. Аланы барысында да ананы сыйлы аты, тюрленмегенлей, бюгюннге дери жетгенди.

РФ-ни бийик профессионал билим бериуюню ишчиси (2007 ж.) Текуланы Мусса жаш тёлюню эм алгъа малкъар ызы бла орус тиллени жашырынлыкъларына, энчиликлерине да юйретип келгенли энди 60 жылгъа жууукълашханды. Биз, аны къолунда окъугъанла, преподавателибизни профессионал, адамлыкъ ышанлары, жумушакъ къылыгъы ючюн сюебиз эм багъалайбыз. Быйыл устазыбыз 80-жыллыкъ юбилейин белгилейди, аны алгъышлай, мындан ары да саулукъ-эсенлик тилейбиз.

Бу кюнледе Роспотребнадзорну сайтында тютюн ичиу онкология аурууланы къозгъагъан баш сылтау болгъаны эсгертиледи. Аман къылыкъгъа 15 жылларында берилгенле ракдан, 25 жылларында тютюн ичип башлагъанладан эсе, беш кереге кёп ауруйдула.

Къарыулу адам эм белгили уучу Жаппуланы Жатчыны Бахсан ауузунда танымагъан, аны къарыулулугъуну, уста уучу болгъаныны юсюнден билмеген адам жокъ эди. Ол Килар Хашировдан иги да алгъа кеси аллына Минги тауну эки тёппесине да ёрлеген эди.