Сууну эсеплеген приборлагъа пломбала салыуну юсюнден

Россей Федерацияда «Энергияны аяуну, энергетика къыйматлыкъны кючлендириуню эмда талай законнга тюрлениуле сингдириуню юсюнден» 261-ФЗ номерли федерал закон 2009 жылда 23 ноябрьде къабыл этилгени бла  фатарланы эмда юйлени иелери электрокючню эмда таза сууну эсеплеген приборланы орнатыргъа борчлудула. Биринчилери бу норматив акт жарашдырылгъынчы окъуна кёп къалмай битеу фатарлада бар эдиле. Таза сууну эсеплеген приборла уа - угъай. Алай эсе уа, аны бла байламлы бир ненча соруу чыгъады, ол санда аллай приборлагъа пломба салгъаны ючюн тёлерге керекмиди огъесе угъаймы?

КъМР-ни Энергетика, тарифле эмда жашау журтлагъа надзор этиу жаны бла министерствосундан билдиргенлерине кёре,  «Таза суу бла жалчытыуну эмда кир сууланы кетериуню юсюнден» 416-ФЗ номерли федерал законда аны юсюнден былай айтылады: «Таза сууну эмда кир сууланы ёлчемин эсеплеген приборлагъа пломбаланы аллай ресурс бла жалчытхан эмда тийишли жумушланы тамамлагъан организацияла саладыла. Аны ючюн абери тёленмейди. Алай абонентни неда башха адамны хатасындан ол пломба бузулса, аны жангыдан салыу  хакъ бла этиледи». Прибор орнатылгъандан сора организация аны бир айны ичинде хайырланыугъа алыргъа керекди.