Календарь событий

Аякъланы аурутмай къалай сакъларгъа боллукъду? Аны юсюнден биз врач – гирудорефлексотерапевт Холамханланы Халимат бла ушакъ этгенбиз. Ол  медицинада  тёрели  эмда тёре болмагъан амалланы да хайырланады.

Электрокюч бла жалчытыучу «Каббалкэнерго» компанияны специалистлери Россейни МЧС-и бу кюнледе бардыргъан битеуроссей команда-штаб юйрениулеге къатышхандыла.

КъМР-ни Ветеринария управлениясыны инспекторлары биология  къалгъан-къулгъанланы жыйыу, жарашдырыу эмда къурутуу жаны бла излемлени сансыз этгенлени ачыкълар умутда республиканы районларында рейдле бардырадыла, деп билдиргендиле ведомстводан.

РФ-ни Муфтийлерини советини  президиумуну келечиси, Саратов областьны муфтийи, Повольжени Муслийманларыны дин управлениясыны башчысы Мукаддас Бибарсов  бек белгили дин къуллукъчуладан бириди. Ол дайым да Кавказны республикаларына келип, алада дин къарындашларыны проблемалары бла шагъырей болгъанлай турады. Аллай жолоучулукъларындан биринде биз аны бла тюбешип,   къыралда ислам дин бериу системаны айнытыуну, динде тиширыуланы  жерлерини юслеринден сорууларыбызгъа жууапла беририн  тилегенбиз.

«Единая Россия» партия арбаз футболдан битероссей фестиваль бардырыргъа хазырланады. Муниципал эм регион бёлюмде командаланы сайлау 18 майда башланырыкъды.

Нальчикни Сабий стадионунда республиканы ёлген тренерлерини хурметлерине женгил атлетикадан битеуроссей эришиуле бардырылгъандыла. Анга 2001-2004 жыллада туугъан эм абадан спортчула къатышхандыла.

Чеченни ара шахарында каратеден СКФО-ну биринчилиги эмда Грозныйни мэрини кубогу ючюн эришиуле бардырылгъандыла.

Нальчикден «Нарт» регби клубну келечилери ЮФО-ну бла СКФО-ну командаларыны лигасына къатышхандыла.

Нальчикде дзюдодан окъуучуланы спартакиадасы бардырылгъанды, анга 18 жыллары толмагъан жашла бла къызла къатышхандыла.

Космонавтиканы кюнюне аталып Нальчикде эркин тутушуудан шахарны биринчилиги бардырылгъанды. Анга 2006-2009 жыллада туугъан жашчыкъла къатышхандыла. Анда «Хасания» спорт клубда жарау этгенле кёп майдал къытхандыла.

Хабаз элден Байрамукъланы Жантемир бла Келимат бир юйюр къурап  жашагъанлы  ма быйыл отуз беш жыл болады. Ала беш сабий ёсдюргендиле. Расул, Мухаммат,  Айгюл эмда эгизле Зарина бла Фатимат. Ала  ата-аналарын жаланда къууандыргъанлай турадыла. Жууукъ-ахлудан, къоншу-тийреден да ыспас табадыла.

Бу кюнледе  Къабарты-Малкъар къырал аграр университетни  агрономия факультетинде  «Жер эм адам» деген интерактив тюбешиу болгъанды. Аны   КъМР-ни  Жамауат палатасында Жаш тёлю советни агропромышленный комплексни айнытыу жаны бла комиссиясы къурагъанды. Анда сёз  адам табийгъатха къаллай заран салгъаныны юсюнден баргъанды.

«Жюреклери къартаймагъанла» деген программагъа  тийишлиликде   «кюмюш» волонтёрланы регион араларын  къурау жаны бла  битеуроссей конкурс бардырылгъанды. Анга бизни республика да  къатышханды. Бу кюнледе уа бизни волонтёрларыбыз аллай мехкеме ачаргъа эркинлик алгъандыла.     

Редакциябызны бюгюннгю къонагъы  КъМР-ни Къырал саугъасыны лауреаты, РФ-ни жаш тёлю политика иш жаны бла сыйлы къуллукъчусу, Къабарты-Малкъар къырал университетни орус эм тыш къыраллы адабият  кафедрасыны таматасы, филология илмуланы доктору Бауаланы Каллетни жашы Казимди. Ол эки магъаналы монографияны авторуду: «Основы балкарского стихосложения» эмда «Апперцептивная специфика балкарской поэзии и её истоки».  Университетни айырмалы кафедраларындан бири бюгюнлюкде тындыргъан иш, бусагъатдагъы  жаш адамларыбызны къайгъылары дегенча темалагъа эс бургъанбыз ушагъыбызда.

Черек районну администрациясыны  башламчылыгъы бла бу ауузну битеу эллеринде да  терроризмге, экстремизмге къажау кюрешге, саулукълу жашау халны бардырыугъа, культураны айнытыугъа, мамырлыкъны бла келишиулюкню кючлендириуге  жораланнган жыйылыула жылгъа эки кере   бардырыладыла.   Аллай кезиулю тюбешиу бу кюнледе  Къашхатауда да ётгенди.  Анга район администрацияны башчысыны орунбасары Улбашланы Сахадин, прокурор Тимур Хавпачев, Къашхатауну таматасы Уяналаны Азрет, иймам Мецелланы Алик,  школчула да къатышхандыла.

                                                       Уллу Хорламны 74-жыллыгъына

Ата журтун жигитча къоруулай жоюлгъан Таумурзаланы Мажитни жашы Хамит къайда асыралгъанын аны ахлулары билмегендиле. Ол а аланы бютюн бек инжилтгенди. Алай бир жол узакъ Орёл областьдан анасыны аты бла письмо келеди. Ачып окъусала, Хамит жангыдан ёлгенча, жиляу этдиле. «Биз, Лёня Голиков атлы отрядны пионерлери, жашыгъыз Таумурзаланы Хамит 1943 жылда 15 августда ёлгенини  эм Глазунов районну Богородское элинде къарындаш къабырлада асыралгъанын билдиребиз. Аны юсюнден шартла жыя турабыз да,  суратлары, фронтдан келген письмолары сакъланнган эселе, бизге бир жиберсегиз эди»,-деп жазылып эди анда.

Билим бериуде бусагъатда бола тургъан тюрлениуледен бири вузларыбызны тыш къыралланы окъуу юйлери бла байламлыкъ жюрютюулериди. Аны себепли бюгюннгю тёлюню абаданладан эсе билим алыргъа асламыракъ онглары да барды.

Жылла оза барсала, алгъыннгы батырларыбызны аздан-аз сагъынабыз. Жашаугъа жангы жигитле киредиле. Аслам эс алагъа бурулады. Алай озгъан кезиулени ахшыларын а унутургъа жарарыкъ тюйюлдю. Ала кеси заманларында, кёп къыйын салып, ахшы ишлери бла сыйгъа тийишли да болгъандыла, халкъыбызны атын иги бла айтдыргъандыла.