Календарь событий

Быйыл 13 апрельде РФ-ни МВД-сыны Элбрус районда бёлюмюне Элбрус элден тиширыу аны юйюнден 489 минг сом багъасы алтын затла тас болгъанларына тарыкъгъанды.

Черек районда бу кюнледе эки магъаналы иш болгъанды: «Тазалыкъдан башлайма жолуму» эмда «Хорламгъа 100 балл» акцияла ётгендиле. Алагьа Россей Федерацияны 62 регионундан 300 адам къатышханды. Ала ЕГЭ-леде 100 балл алып, къыралны бек иги бийик окъуу юйлерине киргенледиле.

                     Жалгъан ахчала этгенлени тюрмеге угъай, къырал ишлеге

Пётр I-ни заманында жалгъан ахчала  ючюн  тюрмеге угъай, къырал  ишлеге ийгендиле.
1712 жылда патчахны буйругъуна кёре, Россей империяда жашагъан адамда бирча ахчала табылсала, ол аманлыкъчылыкъгъа саналгъанды. Нек дегенде  къыралны «монетный дворлары» бирча ахчаланы хазырлаялмагъандыла.

Адамны саулугъу терисине кёреди деп,эштада, бош айтыла болмаз. Аны юсюнденди бюгюн бизни Медицина профилактиканы республикалы арасыны врач-методисти Латмир  Пшуков бла ушагъыбыз.

Суратланы хар биринде да эки адам барды: суратчы эм къараучу, дегенди Ансел Адамс.  Бизни  жашауубузда фотоаппарат бла алыннган чыгъармала  бек магъаналыдыла. Озгъан кезиуледегилеге къарап, заманны тохтагъан такъыйкъаларын эсгеребиз, сабийлигибизни, сюйген адамларыбызны кёз туурабызгъа келтиребиз.

Къабарты-Малкъар къырал аграр университет, къошакъ профессионал билим берген «Апгрейд» институт эмда орус-француз гастрономия  компания  къонакъ юйледе бла ресторанлада жумушла бла жалчытыугъа юйретир муратда тренингле бардыргъандыла. Аланы Испанияда  F&B Service Les Roches Marbella  халкъла аралы  школуну преподаватели  Хорхе Караседо къурагъанды.

                                              Уллу Хорламны 74-жыллыгъына

Къойчуланы Жашауну жашы Иосиф жаланда туугъан эли Яникойну угъай, битеу Малкъарны махтаулу жашларындан бири эди. Немец-фашист аскерле бла урушха ол 1941 жылда июнь айны биринчи кюнлеринде киргенди. Кишилиги эм жигитлиги ючюн бек сыйлы аскер саугъа бла – Къызыл Байракъны ордени бла, эки кере саугъаланнганды. Совет Союзну Жигити деген атха кёргюзтюрге къагъытларын жарашдыра тургъанлай, тыйып къойгъандыла. Аны сылтаууну юсюнден айтыр кереклиси болмаз. Ол кёп уллу сермешлеге къатышханды, урушну майор чыны бла бошагъанды. Газет окъуучуланы Къойчу улуну бир кесеги бла шагъырей этебиз.

Нальчикде Культура фондда эстонлуланы «Кодумаа» миллет-культура аралары «Жаз башы тюбешиуле» деген  байрам   къурагъандыла. Анга республикада болгъан битеу миллет биригиулени келечилерин  да чакъыргъандыла. Сыйлы къонакъланы араларында  Дуния  эстон  маданият  араланы ассоциациясыны таматасы   Лиина Микс, эстонлу элчилени общинасыны «Рюкка» биригиуюню башчысы Кюлли Кель, ол биригиуню Тартуда келечилери да бар эдиле. Дагъыда Симферопольдан эстон миллет биригиуню таматасы Ольга Скрипченко (атасы эстонлуду) Кърымдан къызыу салам келтиргенди.

Кёп болмай Къабарты-Малкъар къырал университетде мехатроникадан бла робототехникадан  «Прорыв в роботронию» деген республикалы  бешинчи ачыкъ чемпионат  болгъанды. Анга   7-17 жыллары толгъан эллиден аслам школчу къатышханды.

РФ-ни Следствие комитетини КъМР-де следствие управлениясы Бахсан районну Кременчуг-Константиновское элинде кир-кипчик жыйылгъан жерде полиэтилен машокда къагъанакъны ёлюгю табылгъаны бла байламлы тинтиуле бардыргъанды.

Огъары Малкъардан Алибекланы Мустафаны атасы  Алий саудюгерчи эди. Узакъ жерлеге барып, къумачла, патеген чыракъла эм адамланы жашауларында керек боллукъ кёп башха затланы келтирип, сатып тургъанды. Элни башына жууугъуракъда, черекни онг жагъасында, ташдан уллу юйле, журтла да ишлегенди.

Хурзукчу Шаманланы Ибрагимни жашы Солтан бла  Къарт-Журт элден Абайханланы Адурхайны къызы Мариям, юйюр къурап, беш сабийни ёсдюргендиле. Урунууну сюйген, адепли, намыслы  ата бла ана аланы окъутуп, билимли, юйдегили этип, жамауатха къошхандыла.