Спорт

Каспийск шахарны Али Алиевни атын жюрютген спорт мекямында тхэквондону WTF тюрлюсюнден «Чемпион» спорт клубну саугъаларына  битеукъырал эришиу бардырылгъанды. Аны чеклеринде дагъыда 10-11-жыллыкъ сабийлеге «DAG OPEN» деген турнир къуралгъанды. Эришиулеге Россейни регионларындан, Къазахстандан бла Азербайджандан 500-ден аслам адам къатышхандыла. 

Адамны эм уллу байлыгъы – аны саулугъуду. Бу оюмну тюзлюгю аз да ишеклик туудурмайды. Саулукъну сакълар ючюн, кёп тюрлю амалла бардыла. Алай аладан эм магъаналысы, хайырлысы да, баям, физкультурады. Анга шагъатлыкъгъа бизни ёмюрню, бурун цивилизацияланы да тёрелерин келтирирге боллукъду, хар миллетлени кеслерини энчи методикалары болгъанды. Аланы барысын да бир жорукъ бирикдиргенди – инсаннга ауруулагъа хорлатмазгъа, хомух, эринчек болмазгъа, дайым къымылдаргъа, ишлерге керекди. Анга уа, бек биринчи, физкультура юйретеди.

Жантуудуланы Азамат жетишимли спортчуду, тренер болуп, Хасанияда къатыш единоборстволадан спорт залда сабийлени да юйретеди. Анга 26 жыл болады, Кёнделенде ёсгенди. Бюгюнлюкде ол Нальчикде МВД-да ишлейди, ведомствону атындан аскер самбодан, къол тюйюшден эришиулеге къатышады. Азамат аскер самбодан бла кикбоксингден спортну устасыды, тайский боксдан бла грепплингден спортну устасына кандидатды. 

Россейни бел баудан тутуп тутушуудан жыйымдыкъ командасыны келечиси Мокъаланы Мусагъа    «РФ-ни спортдан халкъла  аралы класслы устасы» деген сыйлы ат берилгенди. Ол Черек районну сабий-жаш тёлю спорт школуну тренериди, Россейни спортуну устасыды. 

Адыгея Республикада грек-рим тутушуудан битеуроссей турнир бардырылгъанды. Ол Адыгеяны спорт усталарыны хурметине жораланнганды. Анга  Шимал-Кавказ эм Юг федерал округлада кючлю спортчула къатышхандыла. Москвадан, Эрменден бла Киргизиядан гёжефле да келгендиле.

Тырныауузну «Геолог» спорт комплексинде  алгъаракълада жашланы бла къызланы араларында Къабарты-Малкъарны биринчилиги ётгенди. Анга республиканы районларыны асламысыны спорт школларыны сохталары къатышхандыла. 

Бу кюнледе Чегем шахарда эркин тутушуудан, халкъ поэт Къулийланы Къайсынны хурметине аталып, республикалы эришиу къуралгъанды, анга 2003-2004 жыллада туугъан жаш гёжефле къатышхандыла. Тутушханланы араларында «Хасания» спорт клубну келечилери да болгъандыла, ала аслам майдал да къытхандыла.

Екатеринбургда каратэден «Европа-Азия» деген уллу битеуроссей эришиуле ётгендиле. Ала Россейни Жигити Александр Прохоренкогъа аталгъандыла. Бу жол анга  къыралыбызны 21 регионундан 1100-ден аслам спортчу къатышханды. Кеслерини командаларын Къазахстан, Киргизия эм Япония да жибергендиле.

Тырныаууз шахарда ракетомодель спорт жаны бла  республикалы эришиуле къуралгъандыла, ала белгили алим, Илмуланы Россей академиясыны академиги Энейланы Магометни жашы Тимурну хурметине жораланнгандыла.

Терекде Россейни сыйлы тренери, КъМР-ни физкультурасыны бла спортуну сыйлы ишчиси Н.Х.Битоковну хурметине грек-рим тутушуудан ачыкъ республикалы турнир бардырылгъанды. Анга 2003-2004 эмда 2006-2007 жыллада туугъан жашла къатышхандыла – битеу да 222 адам. Ала республиканы битеу шахарларындан бла районларындан келгендиле, Тюркден да жаш спортчула болгъандыла.