Спорт

Россейни футболдан профессионал лигасыны «Олимп» биринчилигини ахыр матчларында «Спартак-Нальчик» командабыз Владикавказдан «Спартак» эм Майкопдан «Дружба» клубла бла тюбешгенди. Футболчуларыбыз эки оюнда да жетишимли болгъанларын, талай ачыулу хорламдан сора эс жыйгъанларын, халатланы эсге алып, биригип ойнай билгенлерин ачыкълагъандыла.

Къачан да республикабыз ариу табийгъаты, миллетлерини къонакъбайлыкълары бла атын айтдыра келгенди. Керти да, адамлагъа мында ауур ишлеринден солургъа, саулукъларын бакъдырыргъа, миллет ашарыкъларыбыз бла сыйланыргъа, кёп жангы затланы кёрюрге онгла кёпдюле.

Къарачай-малкъар халкъны келечилери политикада, экономикада, спортда, культурада атларын къуру Кавказда угъай, битеу къыралда, дунияда да белгили этгендиле. Аллай сейир адамларыбыздан бири уа Ахмет Айикди. Къарачайлы гёжеф эркин тутушуудан дунияны эм Европаны эки кере чемпиону болгъанды. Тюркде уа анга жетген болмай, къыралны чемпионатларында он кере алчы болгъанды.

«Спартак» стадионда Кавказны халкъларыны маданият эм спорт фестивальларыны республикалы кезиую болгъанды. Анга Нальчик эм Прохладный шахарладан, Элбрус, Урван, Терк, Черек, Чегем, Май, Лескен, Зольск  эм Прохладна районладан командала – битеу да 400-ден аслам адам - къатышхандыла. Алагъа кирген спортчула уа ары дери оюнланы жер-жерли кезиуюнде хорлагъандыла. Республикалы кезиуде къытханладан Къабарты-Малкъарны жыйымдыкъ командасы къуралырыкъды, ол артда республиканы атындан фестивальны ахыр кезиуюне барлыкъды. Быйыл «Кавказ оюнла» онунчу кере ётдюрюледиле.

Арт жыллада жаш адамла неден да бек спорт бла кюреширге итинедиле дерге боллукъду. Аланы асламысы аны кюч тюрлюлерин сайлайдыла, уллу жетишимле да болдурадыла. Хабаздан Тетууланы Жамалны жашы Камил да аллай уланларыбызны санынданды. 26-жыллыкъ жаш Россейни спортуну устасыды. Къабарты-Малкъар къырал эл мюлк университетин тауусханды, бусагъатда, жарау этгенден тышында, бизнес бла да кюрешеди. Бюгюн ол бизни ушакъ нёгерибизди.

Тырныауузда В.А. Губанов атлы «Геолог» спорт-саулукъ кючлеу комплексде Элбрус районну каратеден биринчилиги озгъанды. Ол Физкультурачны кюнюне жораланнганды. Къатышханланы араларында Къабарты-Малкъардан, Къалмукъдан, Кърымдан, Къарачай-Черкесден, Ставрополь крайдан спортчула болгъандыла.

Жерлешибиз Емельян (Эмиль) Биткаш каратеде болдургъан жетишимлери бла белгилиди. Ол Россейни чемпионатында хорлагъанды, эришиуню эм иги спортчусуна да саналгъанды. Алай  бла ол кесине  Европаны чемпионатына къатышыргъа жол  ачханды, анда да анга жетген чыкъмагъанды. Аны бла ол республикасына даражалы чемпионатдан алтын майдалны саугъалагъанды. Алай спортчуну хорламгъа жолу  тыйгъычсыз, къысха да болмагъанды. Аны юсюнден  ол бизни бла ушагъында айтханды.

Къазанда регбини олимпиада тюрлюсюнден (регби-7) федерал лиганы оюнлары бардырылгъандыла. Анда алчылыкъ ючюн къыралны 11 эм иги командасы эришгендиле.

Москвада ветеранланы араларында эркин тутушуудан Россейни чемпионаты бардырылгъанды. 

Талай кюнню ичинде Прохладныйден белгили женгил атлетчи Мария Ласицкене (Кучина) юч жерде хорлагъанды. 
Бек алгъа ол «Бриллиант лигада» 22-чи «алтынын» алгъанды.