Гидроэнергетикле больницагъа оборудование бергендиле РусГидрону Къабарты-Малкъарда бёлюмю Бахсан шахарда районну ара больницасына бир талай медицина оборудование бергендиле. Бу иш компанияны «Энергиядан туугъанла» деген жандауурлукъ акциясыны чеклеринде бардырылгъаныды, деп билдиргендиле бёлюмню пресс-службасындан. Алай бла бу учрежденияны акушер бёлюмю вакуум системала эмда электрон базманла къоллу болгъанды. Аны хайыры бла анда кечиннген тиширыулагъа медицина болушлукъ толусунлай эмда заманында берилликди, дегенди больницаны тамата врачы Мурат Эштреков эмда энергетиклеге ыразылыгъын билдиргенди. РусГидрону «Энергиядан туугъанла» деген жандауурлукъ проекти компания ишлеген регионланы барында да бардырылады. Аны хайыры бла роддомла, Перинатал арала, больницаланы акушер бёлюмлери шёндюгю медицина оборудование бла жалчытынадыла.
Поделиться:
Читать также:
07.05.2024 - 08:25 →
Къалайда да жарыкъ болурча
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
| ||
