Жангылыкъла

Къабарты-Малкъарны ара шахарыны орамларында тапландырыу ишле барадыла. Муниципалитетни жер-жерли администрациясындан билдиргенлерине кёре, ала «Къоркъуусуз эм тап автомашина жолла» миллет проектни чеклеринде тамамланадыла.

Орта кюн Къабарты-Малкъарда гитче Черек ГЭС-ни къурулушу башланнганды. Бу иш бла байламлы жыйылыу Зарагиж ГЭС-ден энишгерекде, Псыгансу элни къатында ётгенди. 

МВД-ны Черек районда бёлюмюню автоинспекторлары Къашхатауда къоркъуусузлукъ рейд бла бирге «Засветись» деген акцияны да бардыргъандыла. 

Тамбла Россейде Халкъны бирлигини кюню белгиленирикди. Анга жораланнган тюрлю-тюрлю акцияла бла флешмобла бюгюнлюкде онлайн халда бардырыладыла. Аладан бир къауумун Россейни школчуларыны къымылдауу (РДШ) да ётдюреди.

«Эльбрус» курортда жаз кезиуде солугъанланы саны жарым жылгъа 176 мингнге жетгенди. Ол а былтыр бла тенглешдиргенде, эки кереге кёпдю. «Шимал Кавказны курортлары» акционер обществону  билдиргенине кёре, «Эльбрус», «Архыз» эм «Ведучи» курортлада 1 майдан 31 октябрьге дери 300 минг адам солугъанды.

Урван районда Нарткъала – Озрек – Эски Урух автомашина жолну он километрлик кесегине тынгылы ремонт этиле турады.

Закий Къайсын бла байламлы жангы шартла излей интернетге киргенимде, кёзюме жюрекни къууандыргъан бир басма илиннгенди. Къулий улуну бу сиз кёрген суратыны юсюнде жазыу, аны жашау эм чыгъармачылыкъ жолун ачыкълагъан презентация, миллетибизни атын айтдыргъан шайыр Кавказдан, Москвадан да узакъ жерледе белгили болгъанына, энтта да бир шартдыла.

Майский шахарда тозурагъан юйледе жашагъан адамлагъа бериллик кёп фатарлы эки журтну къурулушу андан ары барады. Республиканы Правительствосу бла районну администрациясы аны энчи контрольда тутадыла.

Районну башчысы Татьяна Саенко, бу кюнледе объектлеге барып, къурулушну бардыргъан подряд организацияны адамлары бла сёлешгенди, ишлени терклендирирге, кесин да алгъынча тынгылы бардырыргъа чакъыргъанды.

Кёп болмай «Россети Северный Кавказ» Каббалкэнерго» компанияда ётген кенгешде балансла жаны бла комиссия быйыл тогъуз айгъа биригиуню иши бла байламлы эсепле чыгъаргъанды.

КъМР-ни Парламентини президиумуну спикер Татьяна Егорованы башчылыгъында бардырылгъан кезиулю жыйылыуунда «КъМР-ни 2022 жылгъа эмда 2023, 2024 жылланы план кезиуюне республикалы бюджетини юсюнден» законопроектге энчи эс бурулгъанды.