Жангы излемлеге келишеди, омакъды, ырахатлыды

Кёп болмай Терс-Къолда «Демография» миллет проектни чеклеринде къыралда бек бийик тау жерде орналгъан «Мечта» садик «Дирекция «Школа-2025» учреждение чыгъаргъан журналда  аллай сейир махкемелени тизмесине къошулгъанды.   

Ол быйыл ишлеп башлагъанды, мебель, тийишли техника эм инвенарь бла да тынгылы жалчытылыннганды. Аны физкультурадан дерсле бардырырча залы, тюрлю-тюрлю илляулары бла холу,  методика кабинетлери, жукълаучу отоулары да бардыла. Айбатлы арбазында уа сабийле ойнаучу майдан къуралгъанды.

- Садикни ишлерге болушханлары ючюн КъМР-ни Къурулуш эмда жашау журт-коммунал мюлк, Жарыкъландырыу, илму эмда жаш тёлюню ишлери жаны бла министерстволарына эм башхалагъа да жюрек ыразылыгъымы билдирирге сюеме. Социал магъаналы объектни элибиз иги кесек жылны сакълагъанды. Анга «Мечта» деген атны да ата-анала бергендиле. Сабийлерибиз жангы мардалагъа келишген садикге жюрюрге онг тапханлары бек къууандырады, - дейди школгъа дери билим бериу учрежденияны таматасы Залийханланы Лейля.

Эсге сала айтсакъ, быйыл жангы окъуу жылда садикге 47 сабий баргъанды. Алагъа жарыкъ, омакъ отоулада сынамлы юйретиучюле тюбегендиле. 

Магометланы Сулейман.
Поделиться: