Жангылыкъла

Къабарты-Малкъарда жашагъанла, бирси регионладача, вакцина этилгенине QR-коду бла  къагъыт сертификатны энди Къырал эм муниципал жумушланы тамамлагъан кёп функциялы арада (МФЦ) алыргъа боллукъдула. 

«Шимал Кавказны курортлары» акционер обществону мурдорунда къуралгъан СКФО-ну Айнытыу жаны бла бирикдирилген институтха жангы ат берилгенди. Мындан ары аны аты «Кавказ.РФ» АО деп жюрюрюкдю.

14-21 ноябрьде битеуроссей экология диктант бардырылады. Ол Кир-кипчикни жангыдан жарашдырыуну битеудуния кюнюне аталып къуралады. 

Нальчикде 14 ноябрьден 15 ноябрьге кечеде муниципал троллейбус управленияны тийресинде тургъан «ПАЗ» автобусла кюйгендиле. 

Быйылгъы  жылда 8 ноябрьден тебиреп сертификатда коронавирусха къажау дарман салдыргъанды деген билдириуден сора да, COVID-19  ауругъан адамны юсюнден толу хапар, 2022 жылда  биринчи мартдан башлап вакцинация этерге жарамагъаныны юсюнден медицина жаны бла жазыула да боллукъдула.

Къабарты-Малкъарны ара шахарыны орамларында тапландырыу ишле барадыла. Муниципалитетни жер-жерли администрациясындан билдиргенлерине кёре, ала «Къоркъуусуз эм тап автомашина жолла» миллет проектни чеклеринде тамамланадыла.

Орта кюн Къабарты-Малкъарда гитче Черек ГЭС-ни къурулушу башланнганды. Бу иш бла байламлы жыйылыу Зарагиж ГЭС-ден энишгерекде, Псыгансу элни къатында ётгенди. 

МВД-ны Черек районда бёлюмюню автоинспекторлары Къашхатауда къоркъуусузлукъ рейд бла бирге «Засветись» деген акцияны да бардыргъандыла. 

Тамбла Россейде Халкъны бирлигини кюню белгиленирикди. Анга жораланнган тюрлю-тюрлю акцияла бла флешмобла бюгюнлюкде онлайн халда бардырыладыла. Аладан бир къауумун Россейни школчуларыны къымылдауу (РДШ) да ётдюреди.

«Эльбрус» курортда жаз кезиуде солугъанланы саны жарым жылгъа 176 мингнге жетгенди. Ол а былтыр бла тенглешдиргенде, эки кереге кёпдю. «Шимал Кавказны курортлары» акционер обществону  билдиргенине кёре, «Эльбрус», «Архыз» эм «Ведучи» курортлада 1 майдан 31 октябрьге дери 300 минг адам солугъанды.