Билим

Алгъаракълада Х.М. Бербеков атлы Къабарты-Малкъар  къырал  университетде жаш тёлю проектлени «Пред Машук – 2019» деген эришиуню биринчи регион хазырланыу уруму озгъанды. Тири, ётгюр, къыралны тамблагъы кюнюне юлюш къошаллыкъларына ийнаннган  жашла бла къызла Жаш тёлю жаны бла федерал агентствону бла «Машук – 2019» билим бериу форумну кураторлары бла  тюбешгендиле.  Ала «Машук  – 2019»  Шимал-Кавказ онунчу форумгъа  хазырланыуда чыкъгъан сорууланы сюзгендиле, проект ишледе кеслерини хунерликлерин айнытыргъа излегендиле.

Бу кюнледе Пятигорскда РАНХиГС Шимал-Кавказ институт-филиалны мурдорунда социал сферада башчылыкъ этген кадрланы усталыкъларын ёсдюрюу жаны бла Президент программа ишин башлагъанды.

«Сириус» арада 2019 жылда 1 июльдан 24 июльгъа дери «Уллу чакъырыула»  деген ючюнчю билим бериу программа бардырыллыкъды. 

Бусагъатда кёп школлада сабийле окъуугъа бирча кийимледе жюрюгенлери кёзге урунады. Ол ариу кёрюнеди, аны бла бирге сабийлеге эслерин жаланда окъуугъа бурургъа себеплик этеди. Болсада алгъаракълада билим бериу кёп учрежденияда аллай чек салынмагъанды. Аны ючюн окъуучуланы араларында башхалыкъла асыры бек эсленнгендиле. Школлада кийим жаны бла чек салыныргъа керекмиди огъесе ол оноуну гитче кеси неда ата-анасымы этерге тийишлидиле? Бу соруугъа жууапны газет окъуучуладан излегенбиз.

Кёп болмай   «Россейли школчуланы  къымылдаулары» сабий-жаш тёлю битеуроссей  жамауат-къырал организацияны   Къабарты-Малкъарда  регион биригиуюню 3-чю слёту бардырылгъанды. Аны КъМР-ни Жарыкъландырыу, илму эмда жаш тёлюню ишлери жаны бла министерствосу, бу ведомствону Кёп жумушла тамамлаучу жаш тёлю арасы, башында айтылгъан биригиу да къурагъандыла.  Къырал концерт залгъа республиканы хазна къалмай битеу районларындан, шахарларындан, Нальчикге жууукъ элледен да  школчула жыйылгъан эдиле.

Шимал-Кавказда «Машук» жаш тёлю форум Россейде жаш тёлю форумладан эм уллусуду. 2019 жылда онунчу юбилей форумгъа Шимал-Кавказ федерал округдан, Россей Федерацияны бирси субъектлеринден эмда жууукъ тыш къыралладан 3000 жаш адам къатышырыкъды.

Устаз усталыкъны сайлап, анга артда кертичилей къалгъанлагъа хурмет этгенлей турлугъунг келеди. Бютюнда, жылдан-жылгъа угъай, кюнден-кюннге окъутууда жангычылыкъланы кёргенлей турсанг.

Къабарты-Малкъар къырал университетни тарых-филология факультетини тыш къыраллы тиллени бёлюмюн бошагъынчы окъуна Тюргельдиланы Зухура гид болуп ишлеп тебирейди. Инструкторланы  алтыайлыкъ курсларын бошап, тыш къыраллы туристлени кавказ таулагъа жюрютеди. Аланы ашыргъаны бла чекленип къалмай, республиканы, аны халкъыны, культурасыны, тарыхыны, адеп-къылыгъыны юсюнден да толу хапар айтады. Алай бла жашлай окъуна республиканы культурасын, туризмни да айнытыугъа юлюшюн къошады.

Жаз башында, эрттенликде эртте, кюнню биринчи таякълары тийреде тауланы башларын алтын бет алдыргъандыла. Март айны биринчи кюнлериди. Тёгерекде къар эригенди. Алай, Чегем жанында, эки бир бирлерине ушагъан таулада, къар кюмюшча жылтырайды. Шошлукъну Гестенти сууну тауушу бузады ансы, тёгерекни ырахатлыкъ алгъанды. Жаз келгенликге, бир жерде да кырдык чыгъып кёрюнмейди. Чыпчыкъла да алай кёп учмайдыла, бир жаныуар да къымылдамайды. Бу кезиу кюз артына ушайды.

Кёп болмай КъМКъУ-ну информациялы технологияла эм экономика институтунда (КИТиЭ), радиоэлектрон  техникагъа ремонт этген специалистлени хазырларча  жангы оборудованиясы бла класс ачылгъанды. 

Радиоэлектрон техникагъа къарау эмда  ремонт этиу жаны бла   комиссияны таматасы Заурбек Тлупов классда юйретирча  он стенд (ишчи жер) орнатылгъанын, ол студентлеге практика жаны бла ахшы къошумчулукъ этеригин да билдиргенди.