|
|
Все статьи
1 марта, 2019 - 09:10
Белгилисича, генле кеслерин адамланы бир ненча тёлюлеринде билдиргенлей турадыла. Мёчюланы Хызыр, анасы айтып, былай биледи: ата жанындан экиге айланнган аппасы Мёчюланы Кязим, малкъар поэзияны мурдорун салгъан назмучу, белгили халкъ багъыучу, ана жанындан ыннасыны анасы Арюбат, ыннасы Даухат, Нафисат да белгили кырдыкчыла-багъыучула болгъандыла . Хызыр а аладан да ары баргъанды- ахшы врач болгъанды.
1 марта, 2019 - 09:05
Уллу Хорламны 74- жыллыгъына
Украинада бла Белоруссияда партизан уруш неден башланнганыны юсюнден манга Ахкёбекланы Исхакъ хапар айтханды. Ол 1942 жыл Гомель шахарда гитлерчилеге къажау жашырын ишле бардыргъанды.
27 февраля, 2019 - 13:46
Пассажирлени жюрютюу бла кюрешген транспортну тинтгенде, автоинспекторла 340 административ кемчилик ачыкълагъандыла. Эки кюнню ичинде полициячыла автобусланы водительлери жолда жюрюуню жорукъларына 237, таксистле уа 103 бузукълукъ этгенлерин тохташдыргъандыла. Аланы асламы техника жаны ла чурумлары болгъан машиналада ишлегенлери бла байламлыдыла.
27 февраля, 2019 - 08:22
Мен атамы туугъан эли Бызынгыда терк-терк болама. Ата-бабаларымы журту болгъаны ючюнмюдю, башха сылтау бламы, кесим да ангыламайма, алай жюрегим бу тау ауузгъа хар заманда тартыучуду, анда жашагъанланы энчи кёреме. Мында жылны къайсы кезиуюнде да бек ариуду. Жайда уа гюлле алай чагъадыла, таулу кийизни жайгъанча, бу тийрени бютюн айбат этедиле. Эки бийик тауну арасында орналгъан жаны бла уа кёпню кёрген Черек сууу шорхулдап баргъан элден миллет ёхтемленирча кёп адам чыкъгъанды.
27 февраля, 2019 - 08:22
Черек районда Жаш айырыучуну кюню бардырылады. Жер-жерли айырыу комиссия район администрация, билим бериу эмда жаш тёлю политика управление бла бирге Къашхатауда, Зарагижде, Бабугентде, Огъары Малкъарда битеулю билим берген учрежденияланы окъуучулары бла тюбешиуле бардырады. Бу ишни мураты – жаш адамланы эслерин айырыулагъа эмда саулай да айырыу правогъа бурууду, ала къырал властьны органларын бла жер-жерли самоуправленияны органларын къурау бла байламлы бу ишге тири къатышырча этиудю.
27 февраля, 2019 - 08:20
Кертисин айтханда, бу тизгинлени жазып башларгъа излеп, алай арабыздан кетген инсанны атын озгъан заманда айтыргъа кёлюм бармай тургъанма. Алим, кесаматчы, энчи кёз къарамлы жазыучу, КъМР-ни Къырал саугъасыны лауреаты, филология илмуланы доктору, профессор Толгъурланы Зейтунну билмей тургъанлай жашаудан кетгени Къабарты-Малкъарны жамауатын айтып-айтмазча жарсытханды.
27 февраля, 2019 - 08:17
Оператив тинтиулени кезиуюнде КъМР-де МВД-ны наркотиклеге къажау полициячылары ФСБ-ны республикада Управлениясында коллегалары бла бирге Нальчикде Свердловск областьдан 33-жыллыкъ эр кишини бла 25-жыллыкъ тиширыуну тутхандыла. Эр кишини хуржунларын тинтгенде, порошокга ушагъан зат табылгъанды
27 февраля, 2019 - 08:15
«Наше будущее» фонд «Социал предприниматель – 2019» деген конкурсха къатышыргъа сюйгенлеге заявкала берирге чакъырады. Ахча болушлукъну жайда алыргъа излегенле аны биринчи мартха дери тапдырыргъа керекдиле. Болсада аны жылны ичинде берирге да жарайды, алай хорлагъанла уа жайда бла кюз артында белгили боладыла. Айтылгъан кезиуге бералмагъанланы заявкаларына жылны экинчи жарымында къараллыкъды.
27 февраля, 2019 - 08:12
Минги тау жангызда тамашалыкъ табийгъаты, къарлы тиклери бла белгили тюйюлдю, ахыр он жылда битеуроссей магъаналы курорт болгъанды, тыш къыралладан къонакъла да анда солуу кюнлерин ётдюрюрге излейдиле. Мында тау лыжа спорт да иги айныгъанды, тюрлю-тюрлю даражалы эришиуле дайым бардырыладыла. Аланы къурау, спортчуланы юйрениу - жарау этиу жыйылыуларын ётдюрюу бла уа Къабарты-Малкъарны тау лыжа спортдан бла сноуборддан федерациясы кюрешеди.
27 февраля, 2019 - 08:09
Наркоманиягъа профилактика ишни толтурур, жаш тёлюню саулукълу жашау бардырыргъа кёллендирир муратда, волейболдан «Биз наркотиклеге къажаубуз» деген эришиу бардырылгъанды, анга Чегем районну школларыны окъуучулары къатышхандыла.
27 февраля, 2019 - 08:08
Кёп болмай Чегем районда «Воспитатель года России» деген профессионал конкурсну муниципалла аралы кесеги бошалгъанды. Анга беш финалист къатышханды. Ала методикадан, юйретиу технологияладан, билим бериуден, саулукъ сакълаудан мастер-классла кёргюзтгендиле.
27 февраля, 2019 - 08:07
РФ-ни Пенсия фондуну КъМР-де бёлюмюню пресс-службасындан билдиргенлерине кёре, быйыл кийирилген тюрлениулени эсге алып, элде жашагъанланы пенсиялары къаллай бир боллугъу тергелип бошалгъанды. Аны эсеплерине кёре, ишлемеген 2800-ден аслам адамны ахчаларына къошулгъанды.
Пенсияла жангыдан пенсиячыланы бёлюмде болгъан документлерине кёре тергелгенди, къошулгъан ахчаны ёлчеми 1333 сомгъа жетгенди. Бу иш бусагъатда да бардырылады.
27 февраля, 2019 - 08:05
Таулу болуп ким эшитмегенди «Эрирей» жыр къауумуну жюреклени къозгъатхан сейирлик жырларын. Сюймекликни юсюнден неда чам жырларын айтып тебиреселе, адамла шумсуз тынгылайдыла. Къайсы жырны айтсала да, терен магъаналы сёзлери, алагъа келишген ариу макъамлары эм жырчыланы сейирлик ауазларын кимни да эсин кеслерине бурмай къоймагъандыла.
27 февраля, 2019 - 08:00
Малкъар халкъ туугъан жеринден зор бла кёчюрюлгенли – 75 жыл
Асанов атлыколхозну жылкъы фермасыны таматасы Оракъланы Хамит къыркъ тёртюнчю жылда жетинчи мартда Хаймашадан юйге бир ненча кюннге солургъа келген эди. Бешжыллыкъ къызчыгъы Зоя, арбазгъа кирген атасын кёрюп, аллына чапды.
22 февраля, 2019 - 08:36
Милицияны подполковниги Глашланы Идрисни жашы Ахмат ич ишле органлада 25 жыл къуллукъ этгенди. Ол къыйын ауруудан сора ауушханды, ол дуниясы жарыкъ болсун. Алай сынамлы право низамны сакълаучуну, огъурлу атаны, намыслы бир эллини бюгюн да ариу сёзле бла эсгередиле.
22 февраля, 2019 - 08:32
Горький атлы орамда жашагъаныбызда, эрттен сайын ишге тебиресем, къоншу подъездден бийик ёсюмлю биреу чыгъыучусун кёре турдум. Аны субай санлылыгъына эс бурдум, кийиннгенине да. Къаралдымгъа тартхан кёксюл кёлеги, аллай тюрсюнлю галифе кёнчеги, аякъларында башлы чурукълары, белинде офицерле жюрютюучю бел бауу. Бетини ариулугъуна да киши чурум табарыкъ тюйюл эди.
22 февраля, 2019 - 08:30
Къабарты-Малкъарны Жамауат палатасы жаш жырчыланы араларында «Мени жашауум – мени жырым!» деген конкурс бардырыллыгъыны юсюнден билдиреди. Ол 2019 жылны 5 мартында Нальчикде Маданият фондда 12:00 сагъатда башланырыкъды. Аны адреси: Нальчик шахар, Малокабардинская атлы орам, 1-чи номерли мекям.
22 февраля, 2019 - 08:29
Былтыр Элбрус районну олимпиада резервли спорт школу ишлегенли 20 жыл толгъанды. Ол ачылгъанлай окъуна, умутландыргъан гёжефлени хазырлагъаны бла республикада, къыралда да белгили болгъанды. Анда жарауларын эки Олимпиаданы кюмюш эм доммакъ призёру Аккайланы Хаджимурат, Россейден каратеден дунияны биринчи чемпиону Аслан Губашиев, 2002 жылда къыралны эм иги каратечиси Руслан Сижажев, Россейни, Европаны бла дунияны чемпионатларында бла кубокларында, даражалы халкъла аралы турнирледе хорлагъан кёп спортчула башлагъандыла.
22 февраля, 2019 - 08:24
Арт заманда Россейли политикле халкъны кеслерини къужур оюмлары бла чамландыргъанлай турадыла. Кёп болмай да Роспотребнадзорну таматасы Анна Попова беллерини кенгликлери 90 сантиметрден артыкъ болгъан россейлилеге тазир салыргъа керекди дегенди. Къуллукъчуну ол айтыуу кёплени чамландыргъанды.
22 февраля, 2019 - 08:23
Жашауну къыйынлыгъын сынамагъан, аны тынчлыгъын не хазна багъаласын. Бу мен юсюнден жазаргъа кезлеген адам – Трамланы Ахматны жашы Тахир (суратда экинчи тизгинде сол жанындан бринчи) – кесини 75-жыллыкъ ёмюрюнде, талкъыгъа терича, ийленнгенди, жашлай кёп сынаудан ётгенди. Алай жашауну ариулугъун, деменгилигин хар заманда сезгенди, таукеллик анга кюч-къарыу бергенди.
Страницы
|
