|
|
Все статьи
30 января, 2019 - 08:36
Арт ыйыкъда ишсиз къалып, Халкъны иш бла жалчытыу аралада эсепге тургъанланы саны 18 адамгъа ёсгенди. 18 январьда ол кёрюмдю 6735 эди, 25 январьда уа – 6762 адагъа жетгенди.
30 января, 2019 - 08:34
Совет Союзну заманында, байрам кюннге жоралап, уллу ишле тамамлап болгъандыла. Озгъан ёмюрню отуз бешинчи жылында СССР-ни колхозларыны биринчи битеусоюз съездлери бола эди. Анга атап республиканы бек айырмалы, жигит къаячылары Элбрусну эки тёппесине, ызы бла уа Казбекге чыкъгъандыла.
30 января, 2019 - 08:34
Нальчик шахарны жер-жерли администрациясындан билдиргенлерине кёре, быйылдан башлап 2024 жылгъа дери бардырыллыкъ «Шёндюгю шахар тийре» деген программаны юсю бла къыралны бюджетинден муниципалитетге аслам ахча берилгенди.
30 января, 2019 - 08:33
Бир талай жыл мындан алгъа «Комсомольская правда» газетден журналистле Кавказ таулада агъач кишини кёрген, билген болгъанын соруп, тинтип, тау элледе айланнганларыны юсюнден статьяла жазылып тургъандыла. Алагъа Къабарты-Малкъардан журналистле да къошулгъан эдиле.
30 января, 2019 - 08:30
Орта Азияда жашагъан ахыр эки-юч жылларыбыз бюгюнча эсимдеди. Мен бла эгиз къарындашым Алий анда туугъанбыз. 1956 жылда уа бизге дагъыда эгешчик Фатимат къошулгъан эди. Анабызны, къолунда да тёрт къагъанакъ сабийи бла, Къыргъызда Джалал-Абад областьны Ленин жол элине арбала бла келтирген эдиле. Жашай келгенде, 1950 жылда атабыз да къайтады. Эки жылдан а биз да тууабыз.
30 января, 2019 - 08:28
Кёп болмай Нальчикни администрациясыны Билим бериу департаментинде ата-анала бла тюбешиу болгъанды. Сёз анда ЕГЭ-ни юсюнден баргъанды. Жыйылыугъа департаментни таматасы Эдуард Бароков, КъМКъУ-ну вузгъа хазырлау эм усталыкъ сайларгъа себеплик этиу управлениясыны таматасы Аксана Карашева, гитче школ академияны таматасы Артур Насипов эмда Социал-гуманитар институтну башчысы Муслим Тамазов къатышхандыла.
30 января, 2019 - 08:25
КъМР-ни Муслийманларыны дин управлениясыны келечиси Атмырзаланы Абдуллах битеулю низамлы колонияны жокълагъанды эмда УФСИН-ни таматасыны дин жаны бла болушлукъчусу Айвар Болов бла бирге колониячыла бла ушакъ бардыргъандыла, насийхат сёзле айтхандыла, тутулуп тургъанланы сорууларына да жууапла бергендиле, деп билдиргендиле КъМР-де УФСИН-ни пресс-службасындан.
30 января, 2019 - 08:20
- Адам жеринден тепдирилмеген мюлкюне толу ие болурча, анга эркин оноу этерча, къолунда тийишли документлери болургъа керекдиле, - дейди Росреестрни КъМР-де Кадастр палатасыны документлени жарашдырыу эм учёт бардырыу бёлюмюню таматасыны къуллугъун толтургъан Элла Блиева.
30 января, 2019 - 08:19
Къысха заманны ичинде Россейде тийишли органла «ВК», Viber, WhatsApp сетьледе пабликлени бла чатланы эм бир къауум телеграмм-каналланы таматаларыны тизмесин къурарыкъдыла. Аны юсюнден программист эм миллиардер Павел Дуровну «Цифровое сопротивление» деген къымылдауу билдиреди.
30 января, 2019 - 08:18
КъМР-ни Пенсиячыларыны союзу эмда Тиширыуланы Нальчик шахар совети жашаулары келген адамлагъа "Сизге жюрек жылыуубуздан юлюш этебиз" деген ат бла къууанчлы ингир къурагъандыла. Алайды да, Долинскдеги "Джамиля" кафеге республиканы кёп жылланы тюрлю-тюрлю бёлюмлеринде бет жарыкълы уруннган къауум адам чакъырылгъанды.
30 января, 2019 - 08:17
РФ-ни Сюд приставларыны службасыны КъМР-де Управлениясы сабийлени эркинликлерин къоруулау жаны бла уллу иш бардырады, ёз балаларына алиментле тёлемей къутулургъа умут этгенле бла кюрешге уа энчи эс бурады.
30 января, 2019 - 08:00
Сталинград ючюн къазауат Уллу Ата журт урушну тарыхында бек къанлы, кюйсюз сермеге саналады. Шахарны эркин этиу операцияны биринчи бёлюмю 1942 жылда 17 июльдан 18 ноябрьге дери баргъанды. Алай ол толусунлай душмандан жаланда 1943 жылда 2 февральда тазаланнганды.
28 января, 2019 - 16:20
Эки кюнню ичинде РФ-ни Миллет гвардиясыны Шимал-Кавказ аскер округда штабыны оркестри капитан Олег Доценкону башчылыгъында КъМР-де концертле бергенди.
28 января, 2019 - 16:02
Арт кезиуде бир-бир россейли политикле сёлешген кезиулеринде айтханларын бла къалгъанларын ангыламагъанча кёрюнеди.
28 января, 2019 - 13:41
Белгород областьны Старый Оскол шахарында ауур атлетикадан Россейни биринчилиги бардырылгъанды, анга 15 эм 17 жыллары толмагъан жашла бла къызла къатышхандыла.
28 января, 2019 - 09:30
Нальчикде 27-чи номерли сабий садха жюрюген сабийлеге музыкадан дерсле ыйыкъгъа эки кере бардырыладыла. Балачыкъла аланы артыкъда бек жаратадыла, алагъа сюйюп жюрюйдюле. Ала тюрлю-тюрлю конкурслагъа да тири къатышадыла.
28 января, 2019 - 09:20
Белгилисича, Жангы жылны байрамларында Минги тауну этеклеринде солугъанланы саны быйыл 54 мингнге жетгенди. Ол санда канат жолланы 40 мингден артыгъы хайырланнгандыла. Курортну инфраструктурасы чырмаусуз ишлеп турур ючюн энергетикле да къолдан келгенни аямагъандыла. «Каббалкэнерго» компаниядан билдиргенлерича, аны специалистлери энергообъектлеге, кече-кюн демей, дайым кёз-къулакъ болгъанлай тургъандыла. Керек болса уа, ремонт бригадала къалайгъа да мычымай жетерге хазыр эдиле.
28 января, 2019 - 09:15
Нальчикде аш-азыкъ хазырлау эмда адамланы жумушларын жалчытыу учрежденияланы жангы жылны байрамына эм ариу жасалгъанланы арасында конкурс бардырылгъаныны юсюнден алгъаракълада билдирген эдик.
28 января, 2019 - 09:10
Алгъаракълада, «ЭКА» къымылдау бардырып, «Россейни жашил вузлары-2018» деген программаны чеклеринде къыралда эки жюз вузну арасында экология жаны бла эм иги онусун сайлагъандыла. Ол тизмеге Къабарты-Малкъар къырал университет да киргенди.
28 января, 2019 - 09:05
ВТБ "Жилямукъсуз дуния" жандауурлукъ программагъа кёре, Республикалы сабий клиника больницаны хирургия бёлюмюне 1 500 000 сом тургъан диагностика оборудование алып бергенди.
Страницы
|
