Сатыуда, аш хазырлауда да – жетишимлиле

    Нальчикде аш-азыкъ хазырлау эмда адамланы жумушларын жалчытыу учрежденияланы жангы жылны байрамына эм ариу жасалгъанланы арасында конкурс бардырылгъаныны юсюнден алгъаракълада билдирген эдик. Аны эсеплерин а бу кюнледе чыгъаргъандыла.
   Конкурсха, мэриядан билдиргенлерича, ариулукъну салонлары, кафеле, ресторанла эм башха объектле къатышхандыла. Алай бла «Сатыу-алыу» номинацияда биринчи жерни «Excelsior» тюкен алгъанды. «Жамауатха аш-азыкъ хазырлауда» уа «Fabrika» кафе жетишимли болгъанды. Экинчи бла ючюнчю жерлени уа «Kofe-Mofe»  эм «Buddy’s» ашханала алгъандыла.
   Тюкенни иесине, шахарны тийресинде медиаэкранладан биринде эки айны, экинчи жерни алгъаннга – бир айны, ючюнчюге чыкъгъаннга уа – эки ыйыкъны хакъсыз реклама кёргюзтюрге амал берилгенди.