Динни юсюнден хайырлы ушакъла

   КъМР-ни  Муслийманларыны дин управлениясыны келечиси Атмырзаланы Абдуллах битеулю низамлы колонияны жокълагъанды эмда УФСИН-ни  таматасыны дин жаны бла болушлукъчусу Айвар Болов бла бирге  колониячыла бла ушакъ бардыргъандыла, насийхат сёзле  айтхандыла, тутулуп тургъанланы сорууларына да жууапла бергендиле, деп билдиргендиле КъМР-де УФСИН-ни пресс-службасындан. 
   Атмырза улу  ислам динни жорукъларыны юсюнден да ушакъ бардыргъанды,  экстремизм, терроризм дегенча кюйсюз ишле  муслийманлылагъа  келишмегенлерини юсюнден да  кёп юлгюле келтирип айтханды.  Андан сора  ол колонияны библиотекасында  не китапла  болгъанларына, дин жаны бла литература жетгенине бла къалгъанына къарагъанды.
   -Быллай  тюбешиуле тутмакъгъа тюшгенлени адеп-къылыкъгъа  юйретиу, ажашханланы тюз жолгъа салыу, радикал диннге алданмау  жаны бла ишге уллу себеплик этедиле,-дегенди ахырында Айвар Болов.