Регионну пабликлерине энчи эс бёлюнюрюкдю

   Къысха заманны ичинде Россейде тийишли органла «ВК», Viber, WhatsApp  сетьледе пабликлени бла чатланы эм бир къауум  телеграмм-каналланы таматаларыны тизмесин къурарыкъдыла. Аны юсюнден программист эм миллиардер Павел Дуровну «Цифровое сопротивление» деген къымылдауу билдиреди. 
   Ол тизмеле, бек биринчиден, миллет республикалада эм Москвада энчи контрольда тургъан регионлада къураллыкъдыла. Сёз ючюн, Кърымда, Татарстанда, Къабарты-Малкъарда, Ингушетияда, Дагъыстанда, Кузбассда эм Уралда бла Сибирьде болгъан  уллу шахарлада. Бу жумушну спецорганла ол регионлада керексиз ётюрюк хапарла басмалансала, башындан анга тийишли оноу этип, кеслерини информацияларын терк тапдырыр мурат бла этедиле, деген оюм жюрюйдю. Алай быллай башламчылыкъгъа кёпле ыразы болмазлыкълары уа хакъды.