Жайны ичинде – сегиз хорламТалай кюнню ичинде Прохладныйден белгили женгил атлетчи Мария Ласицкене (Кучина) юч жерде хорлагъанды. Алгъыннгы бийикликге секиргенден сора, Кучина аны 2.07 метрге дери кётюрюрлерин излегенди, алай муратына жеталмагъанды. Аны ызындан Монакода «Бриллиант лиганы» 23-чю кезиую къуралгъанды. Анга Россейден жангыз да Мария къатышалгъанды. Бу жол да ол къараучуларыны ышаныуларын алдатмагъанды – артыкъ бек да къыйналмай, башха спортчуланы иги да артха къоюп, биринчи жерге чыкъгъанды. Ючюнчю майдалын прохладначы спортчу Италияны Падуе шахарында ётген халкъла аралы эришиуден келтиргенди. Анда хорлар ючюн, Ласицкенеге 1.94 метрге секиргени тамам болгъанды, башха спортчула бу бийикликни алалмагъандыла. Жангыз да жайны ичинде Мария сегиз битеуроссей эм халкъла аралы эришиулеге къатышханды эм аланы барысында да алтын майдалланы къытханды, ол санда «Бриллиант лигада» да юч кере хорлагъанды. Кучина дунияны тёрт кере чемпионуду, ол алгъан 2.06 метр бийикликге быйыл башха атлетчиле алыкъа секиралмагъандыла. Энди жерлешибиз Россейни чемпионатына къатышырыкъды, ол а июльну экинчи жарымында Чебоксарыде боллукъду.
Поделиться:
Читать также:
16.05.2024 - 13:22 →
Терк район – биринчи жерде
16.05.2024 - 13:20 →
Спартакиадада сермеширге эркинликни къоруулагъандыла
16.05.2024 - 10:30 →
Жаш гёжефледе – алтын да, кюмюш да майдалла
15.05.2024 - 18:20 →
«Жигитлени къауумунда» - алчыла
15.05.2024 - 18:16 →
Хорламны байрамына – дзюдодан эришиу
|