Мектепледе тинтиуле бардыргъандыла

Жангы окъуу жылны аллында РФ-ни МЧС-ни КъМР-да Баш управлениясыны надзор эм профилактика управлениясыны къуллукъчулары республиканы билим бериу учрежденияларында тинтиу ишле бла болгъандыла. Ала 653 мектепге бла сабий садха къарагъандыла.

Бюгюн МЧС- ни ишчилери Нальчик шахарны 3 -чю школуна профилактика этер мурат бла баргъандыла, керекли къагъытланы жарашдыргъандыла. Къарауну кезиуюнде школну администрациясы бла ушакъ бардырылгъанды, от тюшюуге къоркъуусузлукъну жалчытыуну эм учрежденияны жангы окъуу жылгъа хазырлауну юсюнден эсгертиуле этилгендиле. Сынау халда къыйын болумну юсюнден билдириу системаны ишлетип кёргендиле.

Эсигизге салайыкъ, «РФ-де къырал контрольну эм муниципал контрольну юсюнден» 248-чи Федерал законнга кёре, къырал инспекторла бегитилген планнга кёре профилактика жумушланы толтурургъа борчлудула.

Сентябрьни аллында ангылатыу эм жарыкъландырыу ишле андан ары бардырыллыкъдыла, деп билдиредиле МЧС-ни регионда Баш управлениясыны пресс- службасындан.