Жаралы болгъан аскерчилени жокълагъанды

Россей Федерацияны Президенти Владимир Путин Къоруулау министрствону П.В. Мандрыка атлы Баш аскер клиникалы госпитальлына барып  жаралы болгъан аскерчилени жокълагъанды. Аны биргесине Россейни къоруулау министри Сергей Шойгу айланнганды.

 КъМР-ни Башчысы Казбек Коков Президентни госпитальда аскерчиле бла тюбешиулерини юсюнден кесини телеграм-каналында билдиргенди. Жаралы аскерчилени ичинде Къабарты-Малкъардан да бир жаш барды.

 «Владимир Владимирович тюбешген аскерчилени ичинде бизни жерлешибиз да барды. Дмитрий тасхачыды, энчи аскер операцияны бардыргъан кезиуде ауур жара алгъанды. Ол, жаралы болуп тургъанына да къарамай, Президентге тилегин айтханды, аскерде андан ары къуллукъ этерге сюйгенин билдиргенди», - деп айтылады КъМР-ни Башчысыны билдириуюнде.

«Адамла къырал саугъала аллылыкъбыз деп сагъыш да этмегенлей, кеслерини саулукъларына, жанларына да къоркъмай Донбасда сабийле ючюн, Россей ючюн кюрешедиле. Ала барысыда жигитледиле! Кертиси да алайды, аланы жанларына къоркъуу хар кюн сайын да барды, аны ала билген да этедиле. Ма аны ючюн алагъа, жигитлегеча къараргъа керекди», - дегенди Владимир Путин Къырал советни Президиумуну жыйылыуун бардыргъанда, деп билдиреди КъМР-ни Башчысыны бла Правительствосуну пресс службасы.