Аскерде къуллукъ этиуню энчиликлерин кёргендиле

Росгвардияны КъМР-де Управлениясыны ОМОН-уну «Вершина» отрядыны къуллукъчулары Май районну Ново-Ивановское элинде Шура Козуб атлы школну Росгвардияны классыны окъуучулары бла кишиликни дерсин бардыргъандыла, деп билдиргендиле бизге ведомствону пресс-службасындан.

Полицияны полковниги Байсыланы Мухтар кадетлеге отрядны тарыхыны юсюнден къысха айтханды, аны къуллукъчуларына салыннган борчланы билдиргенди. Сёз ведомствону вузларына окъуугъа кириуню юсюнден да баргъанды.

Ызы бла аскерчиле жаш адамлагъа таулада къуллукъ этиуню хазырлыгъы жаны бла дерс бергендиле. Кадетле таулагъа ёрлеген кезиуде керекли оборудованияны кийип кёргендиле. Къоркъуусузлукъну жорукъларына юйреннгенден сора уа,  тамата нёгерлери юйретгенни къалай ангылагъанларын кёргюзтгендиле.

Ахырында лицейни оноучулары Росгвардияны къуллукъчуларына ёсюп келген тёлюню патриот ниетледе юйретиуге къатышханлары ючюн ыразылыкъларын айтхандыла.