Календарь событий

Малкъарлыланы бла къарачайлыланы, белгилисича, буруннгудан келген адетлери кёпдюле. Аланы энчиликлерин, ариулукъларын айтып тауусур онг жокъду. Бюгюнлюкде аланы  бир къаууму унутулгъанды, бирсиле унутулгъан чекге жетипдиле, бирсилери уа алыкъа саудула, жюрютюлюпдюле.

 Аналыкъ насыпды. Алай шёндюгю дунияда ол да тюрленип барады. Жюз жыл мындан алгъа къыркъ-элли жылларында сабий тапханла хазна жокъ эдиле. Аналыкъ бла байламлы бир талай сорууну Вольный Аул элни поликлиникасыны врач - гинекологу Рахайланы Людмилагъа бергенбиз.

Кёп  болмай  Россейни эл мюлк министрини орунбасары Елена Фастова видеоконференция  бардыргъанды. 

Къабарты-Малкъар къырал университетни ректору Юрий Альтудов «Точка кипения» арада видеоконференция халда алимлени  кенгешин   ётдюргенди.  Аны чеклеринде   бюгюнлюкде жарсытхан тюрлю-тюрлю магъаналы соруулагъа къаралгъанды.   

Быйыл РСФСР-ни, КъМАССР-ни  искусстволарыны сыйлы къуллукъчусу Трувор Карлович Шейблер туугъанлы 120 жыл болгъанды. Жашаууну къыркъ жылдан артыгъын ол композиторлукъ ишге жоралагъанды, аладан жыйырма бир жылны Къабарты-Малкъарда оздургъанды. Ол заманда фахмулу композитор малкъарлыланы бла къабартылыланы миллет макъамларын айнытыугъа уллу къыйын салгъанды. Аны таулула бла байламлыкъларыны юсюнден алтмышынчы жылланы аллында КъМР-ни халкъ артисти Отарланы Омарны эсгериулери къолубузъа тюшгендиле. Ол къыйматлы сёзлени бюгюн басмагъа жарашдырып беребиз.

 (Баргъаны)

Суратлау ариулукълары, тасха магъаналары бла бизни тил байлыгъыбызны ёсдюрген кючдюле фразеология тутушла. Аланы иги билиу жюрекге зауукълукъ береди.

Автобус сакълап тургъан жерибизде нёгерим бир тиширыу бла саламлашды. Жыл саны эллиден атлагъан, жарыкъ мангылайлы адам. Арада эки-юч такъыйкъа озгъанлай, бизни къатыбызгъа бир эр киши келди да, ол да бизни бла жарыкъ саламлашды. Нёгерим танышы кёп болгъан, тенглик, жууукълукъ да жюрюте билген адамды да, сейир этмедим. Ол эр кишини уа таныдым.

Эсеплеге кёре, хар бешинчи россейли фатарны кредитге алады. Бу ишни борчха кирмей тамамларгъа не бек сюйсек да, кёбюсюнде ансыз болалмайбыз. Ипотеканы алгъандан сора, адамланы асламысы аны теркирек тёлерге кюрешедиле. «Комсомолка» тёлеуледен кёпге создурмай къутулурча талай амал тапханды.

Сабийлени бла жаш тёлюню чыгъармачылыкъларыны республиканы арасында «Медицина иш» , «Жаш эколог» деген биригиуле къуралгъанлы иги кесек заман болады. Аланы уа мында устаз Цораланы Фатима бардырады.

Фахмулу, жетишимли жаш адамларыбыз халкъыбызны ёхтемлигидиле, тамблагъы кюнюдюле. Жашларыбыз бла къызларыбыз не къадар билимли, итиниулю болсала, миллетибиз да ол къадар кючлю боллукъду, айнырыкъды. Аллай жаш адамларыбыздан бири Ахматланы Борисни бла Алботланы Ханифаны къызлары Заирады.

Эл мюлк продукцияны тирликлилигин кёбейтиу амалладан бири битимлени жангы гибридлерин эмда сортларын хайырланыуду, дейдиле Къабарты-Малкъар Республикада ветеринария эмда фитосанитария жаны бла Федерал надзор службаны специалистлери.

Калифорниялы щитовка (Quadraspidiotus perniciosus) жемиш тереклеге бек уллу хата салгъан къуртха саналады, дейдиле Россельхознадзорну Къабарты-Малкъарда эмда Шимал Осетияда управлениясында.

Бу суратны газетге беририбизни тилеп Хасанияда жашагъан Гуталаны Назифа жибергенди. Ол жазгъаннга кёре, сурат 1952 жылны биринчи майында,  байрам кюнде алыннганды. Кеси да аны эгечи Аттоланы Шамканы альбомунда сакъланнганды.

Коронавирус жукъгъан ауруу жагъылгъанына ишекликде юйюнде турургъа борчлу этилген жаш адам аны сакъламагъаны ючюн административ жууапха тартылгъанды. Аны машинасында бара тургъанын «Къоркъуусуз республика» система эсепге алгъанды.

Сыйлы Къуранда «Аллахны файгъамбары сизге аламат юлгюдю…» (Сура «Сонмы»,  21-чи аят), деп жазылады. Бу статьяда аны саулукъгъа жарагъан тёрелени юслеринден айтыргъа сюебиз. Бюгюнлюкде  тинтиуле бардырылып, аланы адамны санларына хайырлылыкъларын илму да тохташдыргъанды. Аны юсюнден бизге «Аль-Азхар» ислам университетни бошагъан Аккайланы Хасим хажи айтады:

Урван районну прокуратурасы ОГИБДД-ны къуллукъчулары бла бирге районда федерал жолланы ГОСТ-ха келишгенлерин бла къалгъанларын тинтгендиле.

Терек шахарда бир кезиуге 140 сабий кечинирге боллукъ садикни къурулушу барады.