Жангы сабий садик хазыр болуруна кёп къалмагъанды

Терек шахарда бир кезиуге 140 сабий кечинирге боллукъ садикни къурулушу барады. Муниципалитетни жер-жерли администрациясындан билдиргенлерине кёре, подряд организацияны ишчилери шёндюге аны къабыргъаларын толусунлай къалап бошагъандыла. Аны бла бирге суу, канализация системаланы орнатхандыла, котельняны мекямын да сюегендиле. Энди уа юйню башын  ишлеу, ток сетьни тартыу бла къыстау кюрешедиле. Талай кюнден объектни ичинде сюртюу-бояу ишле да башланырыкъдыла.

«Демография» деген Миллет проектни хайыры бла быйылны ахырына дери районда 240 сабийге быллай жерледе кечинирге онг тапдырлыкъдыла.