Жуковну майдалына тийишли болгъанды

Бизни жерлешибиз Аппайланы Арсенни жашы Рустам Донбассда бардырылгъан энчи аскер операциягъа къатышхан, бийик къырал саугъагъа тийишли болгъанды. Рустамгъа Россейни Президентини Указы бла Жуков атлы майдал берилгенди, деп билдиргенди «Къабарты-Малкъар» республикалы информация агентство.   

Майдал аскер операцияны кезиуюнде бардырылгъан атышыуда кёргюзтген жигитлиги эмда кишилиги ючюн берилгенди. Къаты къазауатны кезиуюнде Аппай улу абызырамагъанды, артиллериягъа керекли топланы тохтаусуз жалчытханлай эм аскер нёгерлерине бергенлей тургъанды, деп айтылады билдириуде.