Алыучуланы тилеклерин ыразы этерге итинебиз

Мамхегов Мартинни жашлары Тимур бла Азамат жети жыл мындан алгъа  юйге жылыу келтирген системаланы сатхан "Галерея тепла" тюкенни ачып, бюгюнлюкде Нальчикде жетишимли ишлейдиле. Сатыу этген жерлеринде хар зат да барды,  андан сора да къарындашлада бир энчилик, ала келген адамлагъа консультацияланы да сюйюп этедиле, адамны онгуна кёре, бу товарны алыргъа боллукъса деп, алай кёргюзтедиле.

«Биз кюн сайын иги кесек адамны жумушларын жалчытабыз, алагъа керекли затла   мында табылмасала танышлагъа, неда башха тюкенлеге сёлешип аланы заказларын тамамларгъа болушабыз.  Юй ишлегенде аны жылытхан системаланы айырыу уллу магъананы тутады.  Нек дегенде  фатарны, не да энчи юйню уллулугъуна бла гитчелигине, дагъыда къаллай къурулуш материалладан хазырланнганларына да эс бурургъа керекди. Ма ол затланы билгенден сора, биз котёлну эм анга керекли  затланы алыгъыз деп рекомендацияла беребиз»,- дейди Тимур.

Биз халкъ асламла бла ачыкъ ишлерге хазырбыз, сатылгъан техникабызда эмда башха затлада кемчиликле болсала аланы да законнга тийишлиликде тамамлайбыз. Бек башы- алыучуланы тилеклерин ыразы этерге итинебиз. Ма ол жумушну тийишлисича тамамлай эсек, ишибиз да жетишимли барлыгъына сёз жокду, деп чертгенди жаш предприниматель.