Жумушланы электрон халда къалай тамамларгъа боллукъду

Роскадастрны республикада бёлюмюнде къырал жумушланы электрон халда къалай тамамларгъа жарарыгъыны, «Госключ» не болгъаныны юсюнден айтхандыла.

Къырал жумушланы электрон халда тамамлау тынчды, кёп заманны да аяйды. Былтыргъы эсепле анга шагъатлыкъ этедиле – Роскадастр бу амал бла 330 мингден аслам иш тындыргъанды. Фатарны юсюнден инсанны энчи данныйлени керек болмагъан информацияны алгъанда электрон къол салыу изленмейди, ала хар адамгъа да бериледиле. Алай жашыртын информацияны жангызда электрон къол мухурну салып алыргъа жарайды, аны ючюн кёпле бу амал бла электрон халда хайырланалмай къаладыла. Харкюнлюк жашауда артыкъ керек болмагъаны ючюн ол адамланы асламысында жокъду, ол сылтау бла ала офисге келедиле.

2021 жылда Россейни Цифра министерствосу «Госключ» деген приложенияны жарашдыргъанды, аны болушлугъу бла электрон мухургъа сертификат хакъсыз бериледи. Аны къырал жумушланы порталында эсепге тюшгенле алаллыкъдыла. Сервисни къурауну баш муратлары – документлени къагъытлада жюрютюуню азайтыу, бюрократия чырмауланы кетериу, къагъытланы сакълауну болжалын къысхартыу эм аманлыкъчыланы жолларын кесиудю. «Госключну» болушлугъу бла документлеге къол салыргъа эм аланы тюрлю-тюрлю учреждениялагъа жиберирге жарайды. Андан сора да, Тепдирилмеген мюлкню бир къырал реестринде техниканы халатны тюзетирге, заявлениягъа мобильный приложенияда къол салыргъа, ызы бла уа аны къырал жумушланы порталы бла Росреестрге жиберирге боллукъду.

Тепдирилмеген мюлк бла байламлы жумушланы тамамлау бла бюгюнлюкде кёп инсан кюрешедиле, аны ючюн аланы тынч этиу адамлагъа, бизнесге да керекди. «Госключ» приложенияда электрон мухурну жарашдырыугъа аз заман къоратыллыкъды, къошакъ документле да изленирик тюйюлдюле, битеу керекли данныйлени ол кеси къырал жумушланы порталындан аллыкъды. Алай адам кючлендирилген квалификация мухур жарашдырылырын сюе эсе, жангы жорукълагъа кёре берилген тыш къыраллагъа барырча паспорту, биометрия ышанлары да изленирикдиле.