Саугъасыз бири да къалмагъанды

Росгвардияны Звёздный элде аскер бёлюмюнде «Дунияда эм иги адамгъа» деген сабий сурат конкурсну эсеплери чыгъарылгъандыла. Конкурс Ананы кюнюне аталып,  аскерчилени сабийлерини араларында бардырылгъан  «Анама сюймеклик бла» акцияны чегинде ётгенди.  

Эришиуге  тюрлю-тюрлю жын санлада 40 сабий къатышхандыла. Жюри къауумгъа хорлагъанланы айырыргъа бек къыйын болгъанды. Нек дегенде  балаланы барысыны да суратларында аналарына уллу сюймеклик эслене эди. Алай бла ишле барысы да саугъалагъа тийишли болгъандыла. Сабийлеге ыспас къагъытла бла бояула, карандашла эм татлы саугъала бергендиле.

- Ана хар инсаннга да эм жууукъ, эм багъалы адамды. Ол баласыны биринчи кюнюнден башлап къатында турады. Аны къыйынына тийишли багъа бичерге къыйынды. Ол себепден бир сабийни да саугъасыз къоялмагъанбыз, -  дегенди тамата сержант Валентина Куканькова.