Тахтамукайдан – алтын бел баула бла

    Адыгеяны Тахтамукай районунда грек-рим тутушуудан тёрели битеуроссей эришиу бардырылгъанды. Ол республиканы спортну усталарыны хурметлерине аталып къуралгъанды, хорлагъанлагъа бел баула бла сыйлы саугъала берилгендиле.
    Турнирге битеу къыралдан да умутландыргъан сынамлы гёжефле къатышхандыла. Аланы араларында Лондонда Олимпиада оюнланы доммакъ призёру Заур Курамагомедов (63 кг.) да тутушханды. Ол, тёрт тюбешиу бардырып, барысында да хорлагъанды. Бу эришиу белгили спортчугъа Россейни чемпионатыны аллында ахшы жарау болгъанды.
         Алтын майдалланы дагъыда Заур Кабалоев (67 кг.) бла Кантемирв Магомедов (98 кг.) къытхандыла. Аслан Толов (67 кг.) – кюмюш, Ислам Калмыков (63 кг.), Исламбек Дадов (72 кг.), Замир Жилоков (98 кг.) доммакъ майдалланы алгъандыла. Эришиулеге баш судьялыкъны уа халкъла аралы категориялы судья Малкъарланы Зейтун этгенди.