Къоркъуусузлукъну жорукъларын къайтаргъандыла

12 апреля, 2022 - 15:40

Тырныауузда Совет Союзну Жигити В.Кузнецов атлы 6-чы номерли школну окъуучулары «Къоркъуусуз жай башы» акцияны чеклеринде  жолда жюрюуню къоркъуусузлугъуну жорукъларын къайтаргъандыла.

 Алагъа къонакъгъа келген къыралавтоинспекторла  жашчыкълагъа бла къызчыкълагъа жолда къоркъуусузлукъну  юсюнден къысха видео кёргюзтгендиле. Жаяу адам жолда асламында этген кемчиликлени белгилеп, ала къаллай хатагъа келтирирге боллукъларын ангылатхандыла. 

Инспекторла кийимледе светоотражатель кече адамны  ачыкъ этгенин чертип, аланы окъуучулагъа юлешгендиле.

Тюбешиуге ОМВД-да жамауат советни келечиси Газаланы Зухура да къатышханды.

 

 

 

Тикаланы Фатима хазырлагъанды.
  • 5 просмотров
Поделиться: