Мектепни ток бла жалчытхандылаКёп болмай «Россети Северный Кавказ» – «Каббалкэнерго» биригиуню келечилери Басханда электрокюч ызлагъа жангы мектепни къошхандыла. Алай бла социал магъаналы объектге 420 киловатт ток берилгенди. Учреждение «Билим бериу» миллет проектге кёре ишленнгенди. Аны 1224 окъуучугъа жери барды. Аны бла бирге сабийле тынгылы билим алырча бар керек зат бла жалчытылыннганды. Ол санда эркин, жарыкъ класслары, жыйылыула ётдюрген, тепсеучю эм спортдан жараула бардыргъан заллары, тигерге юйретген отоулары, воркаутдан жараула бардырырча, футбол, баскетбол эм волейбол ойнарча майданлары да барды. Уллу кёллюледен къаты сураллыкъды «Россети Северный Кавказ» - «Каббалкэнерго» биригиу быйыл озгъан юч айда ток ючюн кёп заманны тёлемей уллу борч этгенлеге 6,6 миллион сом пеня тёлерча белгилегенди. Абонентлени бир къаууму къысха заманда сагъынылгъан ахчадан 754 минг сомну неда 11 процентни тёлерге ашыкъгъандыла. Эсге сала айтсакъ, пеня абонет кёп заманны тёлемей законодательство бузукълукъ этсе салынады. Сёз ючюн, 31-90 кюнню ичинде тёлемегеннге 1/300 чакълы пеня жазылады. Юч айдан оздургъаннга уа аны ёлчеми 1\130 -гъа дери кётюрюледи. Ахча къоранчладан сора да, борчлу токну хайырланмазча чек салынады эм иши сюдге бериледи. Юйюнден чыгъалмагъан, неда бир тюрлю сылтау бла жетишалмагъан инсан https://fl.gp-lc.rossetisk.ru/, сайтда «Энчи кабинетинде» неда «Свет Онлайн» приложенияны себеплиги бла тёлерге боллукъду. Эсге сала айтсакъ, борчланы юсюнден «Россети» биригиуню «къызыу ызына» бу телефон номерге сёлешип билирге жарайды: 8-800-220-0-220. Кёп къоранч салгъандыла «Россети Северный Кавказ» биригиу аслам заманны тёлемей уллу борч этген «Нальчик», «Альтернатива» эм «Новые технологии» биригиулеге уголовный иш ачылырча документлени сюдге бергенди. Сагъынылгъан биригиулени таматалары кёп фатарлы юйледе жашагъанладан ток ючюн жыйылгъан ахчаны «Россети Северный Кавказ» - «Каббалкэнерго» тапдырмагъанлары себепли, алагъа прозводство иш ачылгъанды. Саулай алып айтханда, биригиуле 3,9 миллион сом багъасына къоранч салгъандыла. Алай бла танг кесек ахчаны къолгъа этгенлери ючюн, тийишли статьягъа кёре, аманлыкъчыла он жылгъа олтурургъа неда бир миллион сом тазир тёлерге тюшерикдиле. Коммунал предприятияла ток бла жалчытхан биригиуге 97,3 миллион сом берликлери барды. Алай бла февральдан бери аны ёлчеми 8,4 процентге ёсгенди. Анга кёре, былтыр бу замандан бери тёлеуле 24.4 процентге тюшгендиле. Бюгюнлюкде эм кёп борчлары болгъанлагъа: «Нальчик» «Муниципальная управляющая компания» «Эльбрус – Сервис» «ЖЭУК «Жилсервис» «Новые технологии» «Альтернатива» коммунал предприятияла саналадыла.
Поделиться:
Читать также:
26.04.2024 - 16:46 →
Черек жагъала таза болурча
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
|