Окъуучулагъа болушлукъгъа

Онбиринчи классланы жыйырма тёрт мингден артыкъ окъуучулары Россейни мектеплеринде эсеп кёлден жазма, 644-сю уа эсеп эсден жазма жазгъандыла. Херсон областьдан къалгъан битеу регионла къатышхандыла бу жууаплы жумушха.

  Эсден жазманы бла кёлден жазманы жетишимли жазылыуу 11-чи классланы окъуучуларына бек магъаналыды. Аны эсеплери окъуучуну ахыр къырал аттестациягъа къатышыр онгу болгъанын бла болмагъанын ачыкълайды.

 Онбиринчи классда окъуй тургъан, саулукъларында чекленнген онглары болгъан сабийлеге уа кёлден жазманы орунуна эсден жазманы сайлар онг берилгенди.

 Мектепни бошай тургъан 11-чи классланы окъуучуларыны асламы бу жумушну озгъан жыл 6 декабрьге дери жазып къутулгъандыла. 7 февральда уа бир тюрлю бир сылтау бла ол жол къатышмагъанла, зачёт алалмагъанла неда жарамагъан амалланы хайырланып къысталгъан окъуучулагъа кезиулю онг берилгенди.

Бу сынамны ючюнчю кезиую да боллукъду. Аны да 10 апрельге белгилегендиле.