Къыралны башчысына ышаннгылылыкъ ёсгенди

РФ-ни Президенти Владимир Путиннге ахыр ыйыкъда россейлилени жанындан ышаннгылылыкъ 0,8 пунктха ёсгенди эмда 79,34 процентге жетгенди. Ол 4-10 декабрьде ВЦИОМ бардыргъан соруудан сора ачыкъланнганды. Тинтиулеге 1,6 минг адам къатышхандыла.

 «Владимир Путиннге ышанамысыз»,- деген соруугъа инсанланы 79,3 проценти ыразылыкъларын айтхандыла. Аны ишин тюзге санагъанланы саны уа 0,2 пунктха ёсгенди эмда 76 процентге жетгенди.

РФ-ни Правительствосуну ишине ыразылыкъларын 51,5 проценти айтхандыла (ёсюу - 0,1 пункт). Премьер-министр Михаил Мишустинни ишине соруугъа къатышханланы 53,9 проценти бюсюрегенлерин билдиргендиле (ёсюу – 0,6 пункт). Мишустиннге ышаныулукъну инсанланы 62,3 проценти билдиргендиле (ёсюу – 0,4 пункт).

Тинтиуледе парламент партияланы оноучуларына кёз къарамларын да билдиргендиле. Алай бла КПРФ-ни башчысы Геннадий Зюгановха соруугъа къатышханланы 31,9 проценти ышанадыла (ёсюу – 0,4 пункт), «Справедливая Россия – за правду» партияны таматасы Сергей Мироновха – 30,8 проценти (ёсу – 2,9 пункт), ЛДПР-ни башчысы Леонид Слуцкийге – 18,6 проценти (ёсюу – 0,3 пункт), «Новые люди» партияны таматасы Алексей Нечаевге уа – 7,7 проценти (ол 0,7 пунктну тас этгенди).

Партияланы ишлерине ышаныулукълу юсюнден айтханда,  «Единая Россия» жанлыла 40,9 процент (ёсюу – 1,1 пункт), КПРФ – 9,4 процент (1 пунктну тас этгенди), ЛДПР – 9,3 процент (0,1 пунктну тас этгенди), «Справедливая Россия- за правду» - 4,6 процент (ёсюу – 0,3 пункт), «Новые люди» - 4,7 процент (0,3 пунктну  тас этгенди) болгъандыла.