«Къыралны ичинде, тышында болумну да терен ангылагъанын кёргюзтгенди»

КъМР-ни Парламентини башчысы Татьяна Егорова РФ-ни Президенти Владимир Путин бла «тюзюнлей эфирни» юсюнден оюмун билдиргенди: 

- Пресс-конференцияны бла «тюзюнлей эфирни» жангы амал бла бардырыу кесини магъаналылыгъын кёргюзтгенди. Ол Президентге Россейни инсанларын къайгъыртхан кёп соруулагъа жууапларгъа онг бергенди. Хар соруугъа да шарт, ангылашыныулу жууап, керекли эсгертиуле этилгендиле.   Владимир Владимирович къыралны ичинде болумну терен билгенин, дуния башында бола тургъан ишлени ангылагъанын, къыралны регионларыны инсанларын жарсытхан сорууланы энчиликлерин сезгенин кёргюзтгенди.

 Тюзюнлей эфирге къарагъанла миллетибизни башчысы бла ёхтемленнгенлерин сезгендиле энтта бир кере. Башха къыралланы инсанларына уа жаланда бизге сукъланыргъа къалады.

Быллай башчыбыз болгъанда, Россейни, алай эсе уа бизни эмда сабийлерибизни келир кюнлери жарыкъ боллугъуна ишеклик жокъду.